iValu—Cava ena Cakava Kina na Matanitu ni Kalou?

Dua na ka na levu ni rarawa kei na mosi e vakilai ena ivalu e yaco tiko e veiyasa i vuravura. Qo eso na ripote e tauri rawa:

• “Ena yabaki sa oti, dua na iwiliwili levu era mate ena ivalu vakabibi e Iciopea kei Ukraine. E sivia na iwiliwili ni veiyabaki sa oti me tekivu mai na 1994.”—Peace Research Institute Oslo, June 7, 2023.

• “Ena 2022, e vakacaca vakalevu na ivalu e Ukraine. E tubu ina sivia ni 27 na pasede na tikoyavavala vakapolitiki e veiyasa i vuravura ena yabaki sa oti. Na leqa qori e tarai ira e rauta ni 1.7 na bilioni na lewenivanua.”—Armed Conflict Location & Event Data Project (ACLED), Feperueri 8, 2023.

E veivakacegui na ka e yalataka na iVolatabu. E kaya ni na “vakarautaka na Kalou ni lomalagi e dua na matanitu ena sega sara ni vakarusai.” (Taniela 2:44) Na Kalou ena vakayagataka na Matanitu qori me ‘vakaotia na ivalu e vuravura taucoko.’—Same 46:9.