O Cei O Rawa ni Nuitaka?​—Cava e Kaya na iVolatabu?

E levu era dau rarawataka ni so sara ga era nuitaka era dau vakayalolailaitaki ira. Era sa sega ni qai nuitaki ira na . . .

• iliuliu ni politiki nira dau nanumi ira ga, ra qai sega ni veikauaitaki.

• tabana ni itukutuku nira sega ni tukuna na itukutuku dina.

• saenitisi nira sega ni cakava na ka era vinakata na lewenivanua.

• iliuliu ni lotu nira tokona na veika vakapolitiki, era sega ni qai vakavulica na veika me baleta na Kalou.

E vinaka meda qarauna o cei meda nuitaka. E veivakasalataki na iVolatabu:

• “Kua ni nuitaki ira na iliuliu vakatamata; e sega ni dua na tamata e rawa ni vakabulai iko.”​—Same 146:​3, Good News Translation.

O cei o rawa ni nuitaka?

 E tukuni ena iVolatabu e dua o rawa ni nuitaka, o Jisu Karisito. A sega wale ga ni dua na turaga vinaka a bula ena vica vata na senitiuri sa oti. Ia na Kalou e lesi koya sara ga “me lewa vakatui . . . , ena sega tale ga ni mudu na nona Matanitu.” (Luke 1:​32, 33) O Jisu na Tui ni Matanitu ni Kalou, sa veiliutaki tiko mai lomalagi na matanitu qori ena gauna qo.​—Maciu 6:10.

• Mo kila na vuna mo nuitaki Jisu kina, wilika na ulutaga “O Cei na Tui ni Matanitu ni Kalou?” kei “Na Cava ena Cakava na Matanitu ni Kalou?”