Me Beitaki na Kalou Nida Rarawa?

Kena iSau Vakaivolatabu

E sega ni tokona na tikina qori na iVolatabu! E sega ni nona inaki na Kalou o Jiova me rarawa na kawatamata. Ia, erau a talaidredre ena veiliutaki ni Kalou o Atama kei Ivi, rau qai vinakata me rau vakatulewataka ga na vinaka kei na ca. Erau vakanadakuya na Kalou rau mani sotava kina na rarawa.

Eda vakila nikua na revurevu ni nodrau talaidredre. Ia e sega vakadua ni vakavuna na Kalou na rarawa.

E kaya na iVolatabu: “Ena gauna e vakatovolei kina e dua me kua ni kaya: ‘E vakatovolei au na Kalou.’ E sega ni rawa ni vakatovolei na Kalou ena ka ca, e sega tale ga ni vakatovolei e dua ena ka ca.” (Jemesa 1:13) Eda sotava kece na rarawa—o ira mada ga e vakadonui ira na Kalou.