Era Ciqoma na iVakadinadina i Jiova na Veiqaravi Vakavuniwai?

Io, keimami dau ciqoma na veiqaravi vakavuniwai. Ni keimami saga na tiko bulabula, keimami na “vinakata nona veivuke na vuniwai” ena so na gauna. (Luke 5:31, Easy-to-Read Version) Eso mada ga na iVakadinadina i Jiova era vuniwai, me vakataki Luke e dua na lotu vaKarisito ena imatai ni senitiuri.—Kolosa 4:14.

Ia keimami sega ni ciqoma na ivakarau ni veiqaravi vakavuniwai e veisaqasaqa kei na ivakavuvuli vakaivolatabu. Kena ivakaraitaki, keimami sega ni ciqoma na dra ni vakatabuya na iVolatabu na tauri ni dra me vakabulabulataki kina na yago. (Cakacaka 15:20) E vakatabuya tale ga na iVolatabu na ivakarau ni veiqaravi e okati kina na ka vakatevoro.—Kalatia 5:19-21.

E levu na veiqaravi vakavuniwai e sega ni veisaqasaqa kei na ivakavuvuli vakaivolatabu. Koya gona, eda na dui vakatulewa kina. Ena rairai ciqoma e dua na iVakadinadina i Jiova e dua na mataqali veiqaravi vakavuniwai, ia ena rairai sega ni ciqoma e dua tale.—Kalatia 6:5.