Era Daukaulotu na iVakadinadina i Jiova?

Io. Keimami dau saga na iVakadinadina i Jiova me keimami kaulotu ena vanua cava ga keimami tiko kina.​—Maciu 28:19, 20.

Eso gona na iVakadinadina i Jiova era gole se toki ina vanua e se sega ni rogoci kina na itukutuku vinaka mai na iVolatabu. Eso tale era biuvanua mera vakalevutaka na nodra cakacaka vakaitalatala. Era marautaka mera cakava na parofisai i Jisu: “Dou na qai tukuni au . . . na veivanua yawa sara kei vuravura.”​—Cakacaka 1:8.

Ena 1943, e tauyavu kina e dua na koronivuli ni daukaulotu. Sa sivia qo e 8,000 na iVakadinadina i Jiova era sa vuli oti kina, e dau vakatokai me Koronivuli o Kiliati (Watchtower Bible School of Gilead).