Vosa ni Veisiga Rogo Matau

Ka e Cakava o Filipi

VIDIO: E Vunau o Filipi Vua na Matanivanua ni Iciopea

1. Sarava na VIDIO, se wilika Cakacaka 8:30, 31 qai sauma na taro qo:

1. E tekivuna vakacava o Filipi na veivosaki?

2. Na cava e itekitekivu vinaka kina qori ni veivosaki me wasea na ka dina vua na turaga ya?

Na Cava Eda Vulica Vei Filipi?

2. Ke da veitalanoa tu mada ga kei koya eda sotava, ena sega ni madua, ena rawarawa tale ga ni rogoca na ka eda tukuna.

Vakatotomuri Filipi

3. Mo vakadidike. Na irairai ni matana kei na nona ivukivuki e dua, e rawa ni tukuni koya. Vakacava e tu vakarau me vosa vei iko? O rawa ni tekivuna na veivosaki mai na iVolatabu ni o taroga, “Oni kila ni ...?” Kua ni usuraka na veitalanoa vua e dua e sega ni via vosa vei iko.

4. Mo vosovoso. E sega ni tukuni mo tekivu ga mo sa wilika sara na tikinivolatabu. Waraka na gauna veiganiti me qai donu kina nomu wilika na tikinivolatabu qori. Kena ibalebale, ena so na gauna drau na qai cakava qori ni drau sota tale.

5. Mo tu vakarau ni veisau. E rawa ni veisau na ka drau veitalanoataka tiko. Mo yalorawarawa gona ni wasea e dua na tikina ena ganiti koya, ke duatani mada ga na tikinivolatabu o vakarautaka tu yani.