Cava Era Vunau Tiko ga Kina na iVakadinadina i Jiova Vei Ira na Kaya “Au Sega ni Taleitaka”?

Nodra lomana na Kalou kei na wekadra na iVakadinadina i Jiova, e uqeti ira mera wasea kina na itukutuku ena iVolatabu vei ira na tamata kece, wili kina o ira na kaya “Au sega ni taleitaka.” (Maciu 22:37-39) Nodra lomana na Kalou e uqeti ira mera muria na ivakaro i Luvena ena kena ‘vunautaki sara vakavinaka’ na itukutuku vinaka. (Cakacaka 10:42; 1 Joni 5:3) Me vakataki ira na parofita ni Kalou ena gauna makawa qori na vuna era vunautaka kina vakawasoma na itukutuku vinaka. (Jeremaia 25:4) Nodra lomani ira na wekadra, era wasea kina na ‘itukutuku vinaka ni Matanitu ni Kalou’ vei ira kece, wili kina o ira na sega ni tataleitaki.​—Maciu 24:14.

Era dau yaco mera tataleitaki o ira mada ga era sega ni dau duavata kei keimami. Dikeva e tolu na vuna:

• Era toki.

• Eso tale na lewenivuvale era taleitaka na itukutuku eda wasea yani.

• Eso era veisau. Na veika e yaco tu e vuravura qo kei na leqa e sotavi ena noda bula, e vakavuna mera “kauaitaka nodra bula vakayalo” ra qai taleitaka na itukutuku ena iVolatabu. (Maciu 5:3) Me vakataki Paula, e rawa sara ga ni veisau na lomadra na dau cata na itukutuku vinaka.​—1 Timoci 1:13.

Ia keimami sega ni vakasaurarataka e dua me rogoca na itukutuku vinaka. (1 Pita 3:15) Keimami vakabauta ni tu na dodonu vua na tamata yadua me vakatulewa ena veika e vauca nona sokalou.​—Vakarua 30:19, 20.