BULA VAKAIDEWADEWA SE BULI?
Cina ni Dikedike na Photuris
NA PHOTURIS e dua na mataqali dikedike. E tiko ena kete ni manumanu lailai qo e dua na gacagaca dau waqa se nona cina. Na cina qo e lailai wale na rarama e solia, ia ni se na vari ni ketena, na rarama lailai qo e serau sara ga.a
Vari ni ketena
Vakasamataka mada qo: Era dikeva na dauvakadidike ni vari ni manumanu lailai qo era veitaqai me vaka na vari ni ika. Ni gauna mada ga e se kina vakalailai na varina, e torocake na rarama ni nona cina ina 50 na pasede!
Vakacava na veika sa dikevi qori, e rawa ni vakayagataki me toroicake kina na rarama ni cina (LED) e vakayagataki ena iyaya vakalivaliva? Me kilai na kena dina, era bulia na saenitisi na cina (LED) me vakatotomuria na ibulibuli ni vari ni dikedike. Na cava e yaco? E torocake ena 55 na pasede na ramase ni cina! E kaya o Annick Bay, e dua na saenitisi: “E dua na ka e laurai ena cakacaka qo, e levu na ka eda rawa ni vulica nida dikeva na veikabula.”
Na cava o nanuma? E bula vakaidewadewa se buli na cina ni dikedike na Photuris?
a Era se sega ni dikeva na saenitisi eso tale na mataqali dikedike.