KATO NI VEIVAKAVULICI 20A
Na Votavotai ni Qele
Na kena matata na ivakarau ni iyalayala ni vanua e vakadeitaka vei ira na kau vakavesu ni na vakalesui tale na nodra vanua lomani. Na cava eda vulica kina nikua? Meda dikeva mada e rua na ka e okati ena raivotu:
Na vanua e dei kei na itavi e yaga
Ena tiko na nodra ivotavota o ira kece na sereki ena Vanua Yalataki. Nikua e tiko tale ga na nodra ivotavota na dauveiqaravi kece ni Kalou ena parataisi vakayalo. Se mani itavi cava eda qarava ena isoqosoqo, sa dei tu na noda itikotiko kei na itavi bibi ena vanua vakayalo. E talei vei Jiova o ira kece na nona dauveiqaravi.
Votai Vakatautauvata
Ena raivotu i Isikeli, e tautauvata kece vei ira na lewenikoro na levu ni vanua era rawa ni lakova. Nikua tale ga, e vakarautaka o Jiova vei ira kece na nona dauveiqaravi na ka ni veivakalougatataki ena parataisi vakayalo.