VENJING 12

Ver inniligur og vís samkenslu

1. Tessalonikabræv 2:7, 8

Í STUTTUM: Lat tað hoyrast á tær, at tú veruliga leggur í tey, sum lurta.

Hugsa um tey, sum lurta. Tað er lættari at vísa samkenslu, um tú frammanundan minnir teg á, hvørjar trupulleikar fólk hava at stríðast við. Royn at ímynda tær, hvussu tey hava tað.
Vel røttu orðini. Royn at lívga, ugga og styrkja tey, sum lurta. Ansa eftir, at tú ikki brúkar orðingar, sum kunnu gera tey firtin. Sig einki negativt um fólk, sum ikki eru Jehova vitni, og heldur ikki um teirra trúgv.
Vís, at tú hevur áhuga. Við blíðum tónalagi og hóskandi handakeipum kanst tú vísa teimum, sum lurta, at tú hevur áhuga fyri teimum. Lat tað síggjast á andlitsbránum, og smíl ofta.

Royn hvørki at tvinga kenslur fram ella at gera ov nógv av. Tá ið tú skalt lesa upp, er tað umráðandi at fáa kenslurnar fram í tekstinum, men ansa eftir, at fólk ikki hugsa meira um teg, enn um tað, sum verður lisið. Leggur tú ov nógva herðing á hjáljóðini, kann tað virka kalt og kubbut, og tí er betri at draga sjálvljóðini eitt sindur út, so tú ljóðar blíðari á málinum.