VENJING 16

Ver uppbyggjandi og positivur

Efesusbrævið 4:29

Í STUTTUM: Legg dent á loysnir, ikki trupulleikar. Royn at styrkja tey, sum lurta.

Hav eina positiva áskoðan á tey, sum lurta. Lít á, at tínir trúarfelagar gjarna vilja gleða Jehova. Er tað neyðugt at vegleiða, mást tú fyrst rósa, um tað ber til.

Lat tað, sum tú sigur, bera dám av kærleika, ikki irritatión. At smíla hjartaliga kann fáa tey, sum lurta, at føla seg væl.
Legg ikki ov stóran dent á tað negativa. Vís bara á nakað negativt í sambandi við eitt evni, um tað tænir einum endamáli. Sum heild skal tað, sum tú sigur, hava positivan dám.
Styrk onnur við Bíbliuni. Vís á, hvat Jehova longu hevur gjørt, ger beint nú og fer at gera fyri mannaættina. Royn at uppbyggja og styrkja tey, sum lurta.