Ezayíi
38 Ðo azǎn énɛ́ lɛ́ gbe ɔ, Ezekiyási bɛ́ azɔn bo ɖo nǎ kú wɛ. Gbeyíɖɔ Ezayíi Amɔ́zi ví ɔ wá gɔ̌n tɔn bo ɖɔ n’i ɖɔ: “Nǔ e Jexóva ɖɔ é ɖíe: ‘Ðɔ lěe xwédo towe ná wa nǔ gbɔn é n’i, ɖó a ná kú; azɔn towe ná gbɔ ǎ.’” 2 Ée Ezekiyási se mɔ̌ é ɔ, é lílɛ́ kpan nukɔn dǒ bo jɛ ɖɛ xo sɛ́dó Jexóva jí ɖɔ: 3 “Jexóva è, un ɖo vo sa nú we wɛ, kɛnklɛ́n flín lěe un ɖi zɔnlin ɖo nukɔn towe kpó gbejíninɔ kpó, kpó ayi ce bǐ kpó, bo wa nǔ e nyɔ́ nukún towe mɛ é gbɔn é.” Bɔ Ezekiyási jɛ avǐ ya jí syɛ́nsyɛ́n.
4 Énɛ́ gúdo ɔ, Jexóva ɖɔ nú Ezayíi ɖɔ: 5 “Lɛ̌ kɔ, bo ɖɔ nú Ezekiyási ɖɔ: ‘Nǔ e Jexóva, Mawu tɔ́gbó towe Davídi tɔn ɖɔ é ɖíe: “Un se ɖɛ towe. Un mɔ ɖasin towe lɛ́. Din ɔ, un ná dó xwe 15 gbɛzán* towe jí, 6 bo ná hwlɛ́n hwi kpó toxo élɔ́ kpó sín axɔ́sú Asilíi tɔn ɔ lɔ mɛ, lobo ná jɛ hun dó toxo élɔ́ jí. 7 Jexóva ná ná we wuntun ɖé dó xlɛ́ we ɖɔ émí ná bló nǔ e émí ɖɔ é. Jexóva ɖɔ: 8 “Din ɔ, un ná bló bɔ hwesivɔ́ sín yɛtɛn e ɖo te jɛ sín Akázi sín kpekán jí wɛ é ná lɛ́ kɔ yi gǔdo nú afɔ ɖiɖe wǒ.”’”” Énɛ́ ɔ, yɛtɛn e ko jɛ te sín kpekán* ɔ jí é lɛ́ kɔ yi gǔdo nú afɔ ɖiɖe wǒ.
9 Nǔ e Judáa xɔ́sú Ezekiyási wlán hwenu e é jɛ azɔn bɔ azɔn tɔn gbɔ n’i gúdo é.
È ná yí xwe nabí e kpo bɔ un ná nɔ gbɛ ná é sín así ce.”
11 Un ɖɔ: “Un ná mɔ Jǎa* ǎ, ɛɛn, un ná mɔ Jǎa ɖo mɛ e ɖo gbɛ lɛ́ é sín to mɛ ǎ.
Un sɔ́ ná kpɔ́n gbɛtɔ́ lɛ́ ɖě
hwenu e un ná ɖo kpɔ́ xá mɛ e nɔ nɔ fí e nǔ bǐ nɔ fó ɖe é lɛ́ é ǎ.
12 È tún nɔtɛn nyiɖésúnɔ tɔn bo sɔ́ yi
lɛ̌ngbɔ́nyitɔ́ sín goxɔ ɖɔhun.
Un mlá gbɛ ce lěe avɔlɔntɔ́ nɔ mlá avɔ e é lɔn kpé é gbɔn é ɖɔhun;
é sɛ́n mì lěe è nɔ sɛ́n kan e è nɔ dó bo nɔ dó lɔn avɔ ná lɛ́ é gbɔn é ɖɔhun.
Sín ayǐtéhɔ̌nnu káká jɛ gbadanu ɔ, a nɔ ɖo kplákplá mì wɛ xwe vivɔnu.
13 Un xo hwihwɛ́ nyiɖée káká bɔ ayǐ hɔ́n.
É nɔ ɖo xú ce lɛ́ bǐ gba wɛ kinnikínní ɖɔhun;
sín ayǐtéhɔ̌nnu káká jɛ gbadanu ɔ, a nɔ ɖo kplákplá mì wɛ xwe vivɔnu.
14 Azɔnxɛ alǒ títígwetí* ɖɔhun ɔ, un nɔ ɖo finfan wɛ;
un nɔ ɖo finfan wɛ ahwannɛ́ ɖɔhun.
Nukún ce lɛ́ kpɔ́n aga káká bɔ agbɔ̌n wá kpé yě:
‘Jexóva è, un ɖo wǔvɛ́ syɛ́nsyɛ́n mɔ wɛ;
nyǐ alɔdómɛtɔ́* ce!’
15 Étɛ́ un ka sixú ɖɔ?
É ɖɔ xó nú mì, bo bló ɖ’é jí.
16 ‘Jexóva è, gbɛtɔ́ bǐ nɔ nɔ gbɛ gbɔn nǔ énɛ́ lɛ́* gblamɛ,
gbigbɔ ce sín gbɛ ɖo yě mɛ.
A ná bló bɔ lanmɛ ce ná lɛ́ jɛ ganjí, bo ná hɛn mì ɖó gbɛ.
A nyi hwɛ ce lɛ́ bǐ dó gǔdo towe.*
18 Ðó Yɔdo* sixú sɔ́ we su ǎ,
kú sixú kpa susu nú we ǎ.
Mɛ e jɛ te yi do mɛ lɛ́ é sixú ɖó nukún gbejíninɔ towe ǎ.
19 Mɛ e ɖo gbɛ lɛ́ é, ɛɛn, mɛ e ɖo gbɛ lɛ́ é hɛn ɔ, yě ná kpa susu nú we,
lěe un ɖ’é wú gbɔn égbé é ɖɔhun.
Tɔ́ ɖé hɛn ɔ, é ná bló bɔ vǐ tɔn lɛ́ ná tuun nǔ dó gbejíninɔ towe wú.
20 Jexóva è, hwlɛ̌n mì,
mǐ ná ji han ce lɛ́, bo xo kanhún d’é mɛ
nú gbɛhwenu mǐtɔn bǐ ɖo xwé Jexóva tɔn gbe.’”
21 Énɛ́ gúdo ɔ, Ezayíi ɖɔ: “Mi hɛn gatóo e è sɔ́ fígi xúxú dó bló ná é ɖokpó wá, bo sá dó nǔtitɛ ɔ, énɛ́ ɔ, azɔn tɔn ná gbɔ.” 22 Jɛ nukɔn nú énɛ́ ɔ, Ezekiyási kanbyɔ́ ɖɔ: “Wuntun tɛ́ ka ná xlɛ́ ɖɔ un ná fán kpó yi xwé Jexóva tɔn gbe?”