Étɛ́wú wɛ̀ gbɛtɔ nɔ kú?

8 Jehovah Mawu jlo ɖɔ gbɛtɔ ni ze ayikungban ɔ sɔ huzu fí ɖagbe ɖe—paladisi ɖe, fí é mɛ lɛ bǐ na mɔ̀ gbɛvivi ɖée.—Genèse 1:28

Gbɛtɔ na ko nɔgbɛ̀ sɔ́yi mavɔmavɔ ényi Adamu kpó Ɛva kpó ko sétónu nú Jehovah ɔ. E ɖɔ nu yé ɖɔ yé kùn ɖǒ ná ɖù atin tuwùntuwùn ɖagbe kpó nyanya kpó tɔn ó.—Genèse 2:15-17

9 Wɛnsagùn ɖokpo hùzú nǔnyanyawatɔ́ bo gbɔn dàn ji bo sísɛ́ Adamu kpó Ɛva kpó bɔ yé tlitó nú Mawu.—Genèse 3:1-6

10 Wɛnsagùn e blɛ Ɛva é ɔ wá nyi ylɔ̀ylɔ́ ɖɔ̀ ‘dàn xóxó ɔ, Lɛgba, Sataan.’—Nǔɖexlɛ́mɛ 12:9

11 Jehovah nyà tótlitɔ́ wè enɛ lɛ sín paladisi ɔ mɛ.—Genèse 3:23, 24

12 Adamu kpó Ɛva kpó wá ɖò vi lɛ, cóbɔ̀ nǔ ka nyɔ nú hɛ̀nnú yétɔn a.—Genèse 3:17, 18

13 Yé ɖo na kpò nyɔ̀xó bo kú, ɖì lée Jehovah ko ɖɔ́ gbɔ́n é.—Genèse 3:19; Hlɔmanu Lɛɛ 5:12

14 Enɛ wutu ɔ yé wá kú ɖì kanlìn lɛ ɖɔ́hùn.

Lǐndɔ̌n é ɖò ayikungban ji lɛ é bǐ wɛ nɔ kú.—Ecclésiaste 3:18-20; Ézékiel 18:4