Nukplɔnkplɔn 2

Mɛ Ka Nyí Mawu?

Mɛ ka nyí Mawu nugbo ɔ, lobɔ nɛ e nɔ nyí? (1, 2)

Agbaza alɔkpa tɛwɛ é ɖó? (3)

Jijɔ ɖagbe tɛ lɛ wɛ é ɖó? (4)

Mí sixu zan bocyɔ abǐ wuntun bo na sɛ̀n Mawu wɛ à? (5)

Alɔkpa wè tɛ lɛ mɛ wɛ mí ka sixu kplɔ́n bo na tuùn Mawu ɖe? (6)

1. Gbɛtɔ lɛ nɔ sɛ̀n nugege. Amɔ̌, Biblu ka ɖɔ́ nú mí ɖɔ Mawu NUGBO ɖokpo géé wɛ tin. É wɛ ɖó nǔ e ɖò jixwé kpó nǔ e ɖò ayikungban ji lɛ bǐ sésé kpó. Ðó é na mí gbɛ̀ wutu ɔ, É ɖokponɔ géé wɛ mí ɖo na sɛ̀n.—1 Kɔlɛntinu lɛ 8:5, 6; Nǔɖexlɛ́mɛ 4:11.

2. Mawu ɔ ɖó tɛnmɛ-nyikɔ gege, amɔ̌ é ka ɖó nyikɔ ɖokpo géé. Nyikɔ tɔn wɛ nyí JEHOVAH. Ðò Biblu gege mɛ ɔ, è ɖè nyikɔ Mawu tɔn sín bo sɔ tɛnmɛ-nyikɔ AKLUNƆ abǐ MAWU ɖò tɛn tɔn mɛ. Amɔ̌ hwe é nu è wlan Biblu ɔ, nyikɔ Jehovah tɔn yì azɔn 7 000 mɔ̌!—Exode 3:15; Psaumes 83:18.

3. Jehovah ɖó agbaza ɖe, amɔ̌ é cí agbaza mítɔn ɖɔhun ǎ. Biblu ɔ ɖɔ̀: “Mawu ɔ Yɛ wɛ é nyí.” (Jaan 4:24) Yɛ ɔ nyí alɔkpa gbɛ̀ tɔn ɖe bo ka hugan gbɛtɔ tɔn. Mɛ ɖébǔ mɔ̀ Mawu kpɔ́n gbeɖe ǎ. Jehovah nɔ nɔ jixwé, amɔ̌ é sixu mɔ nǔ lɛ bǐ. (Psaumes 11:4, 5; Jaan 1:18) Amɔ̌, etɛwɛ yɛsinsɛn ka nyí lo? É nyí gbɛtɔ ɖì Mawu ǎ. Amɔ̌, hlɔnhlɔn Mawu tɔn e É nɔ sɔ do w’azɔ ná ɔ wɛ.—Psaumes 104:30.

4. Biblu xlɛ mɛ̌ alɔkpa e Jehovah nyí e mí. É xlɛ ɖɔ jijɔ ɖagbe tɔn lɛ wɛ nyí wanyiyi, hwɛjijɔ, nunywɛ, kpó hlɔnhlɔn kpó. (Deutéronome 32:4; Job 12:13; Isaïe 40:26; 1 Jaan 4:8) Biblu ɖɔ́ nú mí ɖɔ̀ é lɛ́ nyí nùblawukunúmɛtɔ́, xomɛɖagbenɔ, hwɛsɔkɛmɛtɔ, nunamɛtɔ, bo lɛ́ nyí xomɛfatɔ. Ði vi tonusetɔ ɖɔhun ɔ, mí ɖo na tɛnkpɔn bo wà nǔ é ɖɔhun.—Efɛzinu lɛ 5:1, 2.

5. Mí sixu jɛkpo abi xa yɛhwe nú bocyɔ lɛ à, yɛɖiɖe lɛ à, abi wuntun ɖevo lɛɛ wɛ à? Eǒ! (Exode 20:4, 5) Jehovah ɖɔ́ émi ɖokpo géé wɛ mí ɖo na sɛ̀n. É gbɛ́ ɖɔ̀ mí kún na má susu émitɔn xá mɛɖevo abǐ nǔ ɖevo ɖe o. Bocyɔ lɛ ɖo hlɔnhlɔn bo sixu gɔalɔ nú mí ǎ.—Psaumes 115:4-8; Isaïe 42:8.

6. Nɛ mí sixu tuùn Mawu ganji gbɛn? Alɔkpa ɖokpo wɛ kpínkpɔ́n nǔ e É ɖó lɛ lobo lin tamɛkpɔ́n dó nǔ e yé kplɔ́n mí lɛ wu. Nùɖíɖó Mawu tɔn lɛ xlɛ hlɔnhlɔn tɔn kpó nunywɛ ɖaxo tɔn kpó. Mí mɔ̀ wanyiyi tɔn ɖò nǔ e É ɖó lɛ bǐ mɛ. (Psaumes 19:1-6; Hlɔmanu lɛ 1:20) Alɔkpa ɖevo e mɛ mí sixu kplɔ́n bo tuùn Mawu wɛ nyí ɖɔ Biblu kplɔnkplɔn mítɔn. Ðò Biblu mɛ ɔ, Mawu kplɔ́n mí hugan gbɛtɔ alɔkpa e É nyí é. É lɛ́ ɖɔ́ nú mí jlǒ etɔn kpodo nǔ e é jlo ɖɔ̀ mí ni wà lɛ kpan.—Amos 3:7; 2 Timɔtée 3:16, 17.

[Tinmɛ E Nɔ Nɔ Ðiɖe Glɔ É, Wexwɛ 5]

Biblu kpó nùɖíɖó lɛ kpó nɔ kplɔ́n mí nǔ gegé ɖo Mawu ji