Etɛ Han Bǔnɔ lɛ ka Sixu Kplɔ́n We?

Ðɔ han bǔnɔ e a yí wǎn na hugǎn é ɖé lɛ. Ðɔ nǔ e wu a yí wǎn nú ye é. A ka tuùn ɖɔ nǔ e nɔ jɛ gbè bǐ gbè lɛ é wɛ nɔ tɔ́n ɖò video lɛ mɛ à? Xóta tɛnmɛ tɛnmɛ kpo nǔxixo alɔkpa alɔkpa kpo e nɔ tɔ́n ɖò han lɛ mɛ lɛ é nɔ zɔ́n bɔ mɛ bǐ nɔ ɖu lè yetɔn. Amɔ̌, han bǔnɔ lɛ kpo nǔxixo sín video lɛ kpo nyí ayiɖeɖayǐ sín nǔ lɛ kpowun ǎ.

Han bǔnɔ ɖokpo ɖokpo nɔ kplɔ́n nǔ tawun tawun ɖěɖee mǐ sixu zán ɖò gbɛzán Klisanwun tɔn kpo sinsɛnzɔ́ mǐtɔn kpo mɛ é mǐ. Han ɖé lɛ nɔ sɔ́ ayi ɖó jonɔyiyi, bǔninɔ, xɔ́ntɔn zunzun, akɔ́nkpinkpan, wanyiyi alǒ nǔɖiɖi jí. Ðevo lɛ nɔ ɖɔ xó dó kɔlilɛ wá Jehovah gɔ́n, hwɛ sísɔ́ kɛ mɛ, gbeji ninɔ gbè bǐ gbè kpo nǔ gbigbɔ tɔn lɛ gbé nyinya kpo jí. Ðokpo tlɛ ɖɔ xó dó alokan zinzan ɖó jlɛ̌ jí wu. Nǔkplɔnmɛ tawun tawun ɖevo tɛ lɛ a ka mɔ ɖò han bǔnɔ lɛ mɛ?

XÒ HAN BǓNƆ LƐ SÍN VIDEO ÐÒ MALIN-MALIN MƐ Ɔ, ENƐ GUDO HǓN, NǍ XÓSIN NÚ NǓKANBYƆ E BƆ D’EWU LƐ É:

• Nyɔna sɔgudo tɔn tɛ jí asú kpo asì kpo mɛxomɔ ɔ ka ɖò tamɛ lin dó wɛ?—Bǐ 12:3

• Nɛ̌ mǐ ka sixu bló bɔ nǔɖiɖi e mǐ ɖó ɖɔ Jehovah kpéwú bo na bló bɔ akpá e é dó lɛ é na jɛnu é na lidǒ gbɔn?

• Nǔ ɖagbeɖagbe tɛ ka na jɛ ɖò malin-malin mɛ?

• Nɛ̌ nukúnɖiɖó Axɔ́suɖuto ɔ tɔn ka nɔ d’alɔ mǐ, bɔ mǐ nɔ dɛ ɖò mɛtɛnkpɔn dìn tɔn lɛ nu gbɔn?—Hlɔ 8:25