È Bló Tuto nú Mǐ Bonu Mǐ Na Ðekúnnu nú Mɛ Bǐ

Lee Jehovah bló tuto nú Izlayɛli-ví lɛ gbɔn é ɖɔhun ɔ, mɔ̌ wɛ é bló tuto nú togun tɔn gbɔn égbé bɔ ye na wà jlǒ tɔn. Gbɔn gbɛ̀ ɔ bǐ mɛ ɔ, alaxɔ lɛ, lɛdo lɛ, agun lɛ, kpo gbɛ̌ta kúnnuɖegbé tɔn lɛ kpo bǐ nɔ w’azɔ̌ ɖó kpɔ́ bonu è na dó jlá wɛnɖagbe ɔ. Mǐ nɔ jlá wɛnɖagbe ɔ mɛ lɛ bǐ, kaka jɛ mɛ e nɔ dó gbè ɖevo lɛ é jí.—Nǔ 14:6, 7.

A ka ko lin bo na kplɔ́n gbè ɖevo bá dó d’alɔ mɛ ɖevo lɛ bɔ ye na kplɔ́n nǔgbo ɔ à? Enyi a na bo ma ɖó táan e a na dó kplɔ́n gbè ɔ na é ǎ ɔ, a sixu zán JW Language dó kplɔ́n nǔxwlémɛ e bɔwǔ é ɖé. Enyi a zán nǔxwlémɛ enɛ ɖò sinsɛnzɔ́ ɔ mɛ gudo ɔ, a na ɖibla ɖó awǎjijɛ ɖokpo ɔ e Klisanwun xwè kanweko nukɔntɔn ɔ tɔn lɛ ɖó é. Ye j’awǎ tawun hwenu e mɛ e gosin tò ɖevo mɛ lɛ é sè “nǔ ɖagbeɖagbe e Mawu wà lɛ sín xó” dó anɔ̌nugbe yetɔn mɛ é.—Mɛ 2:7-11.

KPƆ́N VIDEO HUZU XƆ́NTƆN JEHOVAH TƆN: ÐƆ MAWUXÓ DÓ JONƆGBE MƐ Ɔ, ENƐ GUDO HǓN, NǍ XÓSIN NÚ NǓKANBYƆ ELƆ LƐ:

• 

  Hwetɛnu JW Language ka sixu d’alɔ we?

• 

  Akpáxwé tɛ lɛ é ka ɖó?

• 

  Gbè tɛ lɛ mɛ lɛ ka nɔ dó ɖò fí e mi nɔ ɖɔ Mawuxó ɖè lɛ é?

• Enyi mɛɖé jló na tuùn nǔ dó wɛn Axɔ́suɖuto ɔ tɔn jí d’eji, bo ka nɔ dó gbè ɖevo ɔ, etɛ a ka ɖó na wà?—od 100-101 akpá. 39-41