Nǔ E Gbɛzán Samuwɛli Tɔn Sixu Kplɔ́n Mǐ lɛ É

Samuwɛli nɔ gbeji nú Jehovah ɖò gbɛzán tɔn bǐ mɛ. É kpò ɖò vǔ có, é gbɛ́ ɖɔ emi kún na wà nǔ Eli sín vǐ Hofini kpo Pinxasi kpo ɖɔhun ó. (1Sa 2:22-26) Samuwɛli ɖò susu wɛ bɔ Jehovah ɖò kpɔ́ xá ɛ. (1Sa 3:19) Ee é nyí mɛxo é ɔ, é kpo ɖò Jehovah sɛn wɛ kpo gbejininɔ kpo, é na bo tlɛ nyí ɖò hwenu e vǐ tɔn lɛ ma nɔ wà mɔ̌ ǎ ɔ nɛ.—1Sa 8:1-5.

Etɛ kpɔ́ndéwú Samuwɛli tɔn ka sixu kplɔ́n mǐ? Enyi mɛ winnyawinnya ɖé wɛ nú we ɔ, ɖeji ɖɔ Jehovah nɔ mɔ nukúnnú jɛ wuvɛ̌ e nɔ kpannukɔn we lɛ é mɛ, bo tuùn lee nǔ nɔ cí nú we é. É sixu d’alɔ we bɔ a na kpankɔ́n. (Eza 41:10, 13) Enyi mɛjitɔ́ e vǐ tɔn ko jó Jehovah sinsɛn dó é ɖé wɛ nú we ɔ, flín ɖɔ Samuwɛli kún sixu hɛn vǐ sunnu tɔn ee ko nyí mɛxo lɛ é gannugánnú bonu ye ni xwedó nǔgbododó Jehovah tɔn lɛ ó, bonu enɛ flínflín ni nɔ dó gbɔ nú we. Ee é jó xó ɔ d’alɔ mɛ nú Jehovah é ɔ, é kpò ɖò gbejininɔ éɖesunɔ tɔn hɛn wu wɛ, bo wà nǔ dó hɛn Tɔ́ tɔn jixwé tɔn ɔ, Jehovah sín xomɛ hun. Boya kpɔ́ndéwú ɖagbe e zé ɖ’ayǐ wɛ a ɖè é sixu sísɛ́ vǐ towe bɔ é na lɛkɔ wá Jehovah gɔ́n.

KPƆ́N VIDEO NǓ YE NI KPLƆ́N NǓ WE: SAMUWƐLI Ɔ, ENƐ GUDO HǓN, NǍ XÓSIN NÚ NǓKANBYƆ ELƆ LƐ:

• 

  Hwenu e Samuwɛli ɖò vǔ é ɔ, nɛ̌ é ka ɖè akɔ́nkpinkpan xlɛ́ gbɔn?

• 

  Nɛ̌ Dani ka ɖè akɔ́nkpinkpan xlɛ́ gbɔn?

• 

  Kpɔ́ndéwú ɖagbe tɛ Samuwɛli ka zé ɖ’ayǐ hwenu e é nyí mɛxo é?

• 

  Kpɔ́ndéwú ɖagbe tɛ Dani sín mɛjitɔ́ lɛ ka zé ɖ’ayǐ?