Hwenu E Sawulu Jɛ Acɛ Kpa Jí É ɔ, É Sɔ́ Éɖée Hwe Bo Lɛ́ Nɔ Jlɛ̌ Jí

Sawulu nɔ jlɛ̌ jí, bo yawǔ yí gbè nú axɔ́su e è sɔ́ ɛ é ǎ (1Sa 9:21; 10:20-22; w20.08 10 akpá. 11)

Sawulu zɔn kplakpla jí dó wà nǔ hwenu e mɛ ɖevo lɛ ɖɔ xó agɔ dó wǔ tɔn é ǎ (1Sa 10:27; 11:12, 13; w14 15/3 9 akpá. 8)

Sawulu wà nǔ sɔgbe xá alixlɛ́mɛ gbigbɔ mímɛ́ Jehovah tɔn tɔn (1Sa 11:5-7; w95 15/12 10 akpá. 1)

Mɛɖéesɔ́hwe na d’alɔ mǐ bɔ mǐ na mɔ ɖɔ wǔ e è jɔ mǐ é, kpo nǔwukpíkpé e mǐ ɖó lɛ é kpo ɔ, Jehovah gɔ́n wɛ ye gosin. (Hlɔ 12:3, 16; 1Kɔ 4:7) Gɔ́ na ɔ, enyi mǐ nɔ sɔ́ mǐɖée hwe ɔ, mǐ na kpò ɖò Jehovah wu ganjɛ wɛ bonu é na xlɛ́ ali mǐ.