D’alɔ Biblu Kplɔntɔ́ Towe lɛ Bonu Ye Ni Sɔnǔ nú Kancica Mɛɖesunɔ Tɔn ɖé Xá Jehovah

Jehovah jló ɖɔ mǐ ni sɛn emi ɖó wǎn e mǐ yí nú emi é wutu. (Mt 22:37, 38) Wǎn e Biblu kplɔntɔ́ towe lɛ yí nú Mawu é wɛ na na ye hlɔnhlɔn bɔ ye na bló huzuhuzu e ɖò dandan lɛ é, bo na lɛ́ nɔ gbeji ɖò mɛtɛnkpɔn lɛ hwenu. (1Jn 5:3) Wǎn e Biblu kplɔntɔ́ towe lɛ yí nú Mawu é wɛ na sísɛ́ ye bɔ ye na bló baptɛm.

Nɔ d’alɔ Biblu kplɔntɔ́ towe lɛ bonu ye ni nɔ mɔ ɖɔ Mawu yí wǎn nú emi. Nɔ kan nǔ lěhun lɛ byɔ ye: “Etɛ nǔ elɔ ka kplɔ́n we dó Jehovah wu?” alǒ “Nɛ̌ nǔ elɔ ka xlɛ́ ɖɔ Mawu yí wǎn nú we gbɔn?” Nɔ d’alɔ ye bonu ye ni nɔ mɔ lee Jehovah ko d’alɔ yeɖesunɔ mɛtún ɔ gbɔn é. (2Tan 16:9) Nɔ ɖɔ lee Jehovah na sinkɔn nú ɖɛ tawun tawun e a xò lɛ é gbɔn é nú ye, bo nɔ dó wusyɛn lanmɛ nú ye ɖɔ ye ni nɔ ɖ’ayi lee Jehovah nɔ na sinkɔn nú ɖɛ yetɔn lɛ gbɔn é wu. Enyi mǐ mɔ bonu Biblu kplɔntɔ́ lɛ mɔ ɖɔ Jehovah yí wǎn nú ye, bɔ ye lɔmɔ̌ nɔ ɖexlɛ́ ɖɔ ye yí wǎn n’i ɔ, mǐ nɔ ɖó awǎjijɛ tawun.

KPƆ́N VIDEO D’ALƆ BIBLU KPLƆNTƆ́ TOWE LƐ BONU YE NI SƆNǓ NÚ KANCICA MƐÐESUNƆ TƆN ÐÉ XÁ JEHOVAH Ɔ, ENƐ GUDO HǓN, NǍ XÓSIN NÚ NǓKANBYƆ ELƆ LƐ:

• 

  Wuvɛ̌ tɛ Jaké ka mɔ?

• 

  Nɛ̌ Ana ka d’alɔ Jaké gbɔn?

• 

  Nɛ̌ Jaké ka kpéwú bo ɖu ɖò wuvɛ̌ ɔ jí gbɔn?