Nɔ Kan Nǔ Byɔ

Jehovah, “Mawu awǎjijɛnɔ” ɔ nɔ ba ɖɔ sinsɛnzɔ́ mǐtɔn ni nɔ na awǎjijɛ mǐ. (1Ti 1:11, nwt) Enyi mǐ ɖò gǎn dó wɛ bonu nǔwukpíkpé mɛkplɔnkplɔn tɔn mǐtɔn ɖò te kpɔ́n d’eji wɛ ɔ, awǎjijɛ mǐtɔn na jɛji. Nǔkanbyɔ lɛ sixu fɔ́n jlǒ mɛɖé tɔn nyite, bo lɛ́ nyí wlɛnwín jɔwamɔ tɔn ɖé bɔ è nɔ zán dó bɛ́ xóɖɔɖókpɔ́ ɖé. Nǔkanbyɔ lɛ nɔ zɔ́n tamɛ lin mɛ. (Mt 22:41-45) Enyi mǐ kan nǔ byɔ mɛɖé, bɔ enɛ gudo ɔ, mǐ ɖótó è ɔ, ɖiɖɔ n’i wɛ mǐ ɖè ɖɔ ‘A xɔ akwɛ nú mì.’ (Ja 1:19) Xósin e mɛ ɔ na na é sixu d’alɔ mǐ bɔ mǐ na tuùn lee mǐ na lilɛ jɔ nú xóɖɔɖókpɔ́ ɔ gbɔn b’ɛ na nyɔ́ hugǎn é.

KPƆ́N VIDEO MƆ AWǍJIJƐ ÐÒ NǓ KPLƆNKPLƆN MƐ LƐ BONU YE NA HUZU AHWANVU SÍN AZƆ̌ Ɔ MƐ: BLǑ BONU NǓWUKPÍKPÉ TOWE LƐ NI KPƆ́N TE: NƆ ZÁN NǓKANBYƆ LƐ Ɔ, ENƐ GUDO HǓN, NǍ XÓSIN NÚ NǓKANBYƆ ELƆ LƐ:

• 

  Jijɔ ɖagbe tɛ lɛ Jaké ka ɖexlɛ́?

• 

  Nɛ̌ Ana ka zán nǔkanbyɔ lɛ dó xlɛ́ ɖɔ nǔ Jaké tɔn ɖu ayi mɛ nú emi gbɔn?

• 

  Nɛ̌ Ana ka zán nǔkanbyɔ lɛ dó gɔ́ sò nú jlǒ e Jaké ɖó dó wɛnɖagbe ɔ wu é gbɔn?

• 

  Nɛ̌ Ana ka zán nǔkanbyɔ lɛ dó d’alɔ Jaké b’ɛ lin tamɛ gbɔn?