‘Nǔagɔwiwa nɔ hun xomɛ nú wǎnyíyí ǎ’

Wǎnyíyí jí wɛ Klisánwun lɛ́ nɔ sɔ́ nǔ e yě nɔ wa lɛ́ é bǐ jínjɔ́n. “Nǔagɔwiwa wɛ nɔ hun xomɛ nú mɛ e ɖó wǎnyíyí é ǎ.” (1Kɔ 13:4, 6) Énɛ́ wú ɔ, mǐ nɔ hɔn nú ayiɖeɖayǐ ɖěɖěe nɔ sɔ́ nǔblíblíwiwa kpó dǎkáxixo kpó mɔ̌ d’ajo lɛ́ é. Gɔ́ ná ɔ, ényí nǔ nyanya ɖé gbo mɛ ɖěvo lɛ́, káká jɛ mɛ ɖěɖěe tlɛ wa nǔ nyi do dó mǐ lɛ́ é jí ɔ, mǐ nɔ j’awǎ ǎ.—Nǔx 17:5.

KPƆ́N VIDEO FLÍN LĚE WǍNYÍYÍ NƆ WA NǓ GBƆN É: NǓAGƆWIWA NƆ HUN XOMƐ NÚ WǍNYÍYÍ Ǎ Ɔ, ÉNƐ́ GÚDO HǓN, NǍ XÓSIN NÚ NǓKANBYƆ́ ÉLƆ́ LƐ́:

• Nɛ̌ Davídi ka wa nǔ gbɔn hwenu e é se ɖɔ Sawúlu kpó Jonatáan kpó kú é?

• Nǔwamɛhan tɛ́ Davídi ka kpa dó Sawúlu kpó Jonatáan kpó takúnmɛ?

• Aniwú Davídi ma ka j’awǎ hwenu e Sawúlu kú é ǎ?