Zǎn Ðu gbɛ víví káká sɔ́yi! dó d’alɔ mɛ lɛ́ bónú yě ní sɔ́ nǔ nú nǔɖiɖi nú Jehovah kpó Jezu kpó

Biblu kplɔ́ntɔ́ lɛ́ ɖó ná sɔ́ nǔ nú nǔɖiɖi syɛ́nsyɛ́n nú Mawu cóbɔ nǔ yětɔn ná nyɔ́ nukún tɔn mɛ. (Eb 11:6) Mǐ sixú zán wěma Ðu gbɛ víví káká sɔ́yi! ɔ dó d’alɔ yě bɔ yě ná kpé wú. Wěmafɔ tají lɛ́, xójlɛ́dóxówú e ɖo wɛn lɛ́ é, nǔkanbyɔ́ ɖagbe lɛ́, video e sɔ́ akpakpa mɛ lɛ́ é, kpó ɖiɖe ɖɛkpɛ ɖɛkpɛ lɛ́ kpó ɖo wěma nǔkplɔ́nkplɔ́n tɔn énɛ́ mɛ. Ényí mǐ d’alɔ nǔkplɔ́ntɔ́ lɛ́ bónú yě sɔ́ nǔ nú jijɔ Klisánwun tɔn lɛ́, bó lɛ́ ɖó kancícá ɖagbe ɖé xá Mawu ɔ, azɔ̌wanú e nɔ dɛ ɖo myɔ nu lɛ́ é zán dó w’azɔ̌ ná wɛ mǐ ɖe mɔ̌ nɛ́.—1Kɔ 3:12-15.

Mɛɖé lɛ́ nɔ mɔ ɖɔ é vɛ́ wǔ bɔ yě ná zun xɔ́ntɔn xá Mawu e yě ma sixú mɔ ǎ é ɖé. Énɛ́ wú ɔ, mǐ ɖó ná d’alɔ yě bɔ yě ná tuun Jehovah bó lɛ́ ɖeji dó wǔ tɔn.

KPƆ́N VIDEO ZǍN “ÐU GBƐ VÍVÍ KÁKÁ SƆ́YI!” DÓ D’ALƆ MƐ LƐ́ BÓNÚ YĚ NÍ SƆ́ NǓ NÚ NǓÐIÐI NÚ JEHOVAH Ɔ, ÉNƐ́ GÚDO HǓN, NǍ XÓSIN NÚ NǓKANBYƆ́ ÉLƆ́ LƐ́:

• Nɛ̌ mǐ ka wá gbɔn bó tuun ɖɔ nɔví nyɔ̌nu ɔ sɔ́ nǔ nú nǔkplɔ́nkplɔ́n ɔ ganjí?

• Nɛ̌ é ka zán nǔkanbyɔ́ ɖěvo e é cyán ganjí lɛ́ é dó d’alɔ nǔkplɔ́ntɔ́ ɔ bɔ é ɖɔ linlin tɔn kpó lěe nǔ cí n’i é kpó dó Ezayíi 41:10, 13 wú gbɔn?

• Ðagbe tɛ́ video ɔ kpó wěmafɔ Biblu tɔn lɛ́ kpó ka wá nú nǔkplɔ́ntɔ́ ɔ?

Mɛ gěgé nɔ mɔ nǔ jɛ gbɛxixɔ ɔ wú ǎ, alǒ yě nɔ mɔ ɖɔ nǔníná Mawu ɖésúnɔ tɔn ɖé wɛ bɔ é ná yě ǎ. (Ga 2:20) Énɛ́ wú ɔ, mǐ ɖó ná d’alɔ yě bɔ yě ná sɔ́ nǔ nú nǔɖiɖi nú vɔ̌sísá gbɛxɔnúmɛ tɔn Jezu tɔn.

KPƆ́N VIDEO ZǍN “ÐU GBƐ VÍVÍ KÁKÁ SƆ́YI!” DÓ D’ALƆ MƐ LƐ́ BÓNÚ YĚ NÍ SƆ́ NǓ NÚ NǓÐIÐI NÚ JEZU Ɔ, ÉNƐ́ GÚDO HǓN, NǍ XÓSIN NÚ NǓKANBYƆ́ ÉLƆ́ LƐ́:

• Nɛ̌ mǐ ka wá gbɔn bó tuun ɖɔ nɔví súnnu ɔ sɔ́ nǔ nú nǔkplɔ́nkplɔ́n ɔ ganjí?

• Nɛ̌ é ka zán nǔ e ɖo akpáxwé “Kíjé” ɔ mɛ é dó d’alɔ nǔkplɔ́ntɔ́ ɔ sɔgbe xá hudó tɔn gbɔn?

• Étɛ́wú ɖɛxixo dó nǔkplɔ́ntɔ́ ɔ takúnmɛ ka ɖo tají?