A ka ɖo Biblu xa dó kan jí ɔ zán wɛ ganjí a?

Étɛ́ ka nyí Biblu xa dó kan jí ɔ? Biblu Gbɛ yɔ̌yɔ́ ɔ tɔn e è xá dó kan jí é wɛ è nɔ ylɔ́ ɖɔ mɔ̌. È ɖo ɖiɖe tɔ́n wɛ kpɛɖékpɛɖé dó gbe gěgé mɛ lěe è kpé wú gbɔn é. Nǔ e nyɔ́ ɖo Biblu xa dó kan jí ɔ mɛ lɛ́ é ɖokpó wɛ nyí ɖɔ è zán gbe vovo nú mɛ vovo e ɖɔ xó ɖo akpáxwé ɖokpó ɖokpó mɛ lɛ́ é. Mɛ e xa dó kan jí lɛ́ é zán kɔnugbe e jɛxá é, bo lɛ́ ɖe lěe nǔ cí nú mɛ é tɔ́n dó bló bɔ wɛn Biblu tɔn ɔ sɔgbe.

Nɛ̌ mɛɖé lɛ́ ka ɖo Biblu xa dó kan jí ɔ sín le ɖu wɛ gbɔn? Mɛ e nɔ ɖótó Biblu xa dó kan jí ɔ hwɛhwɛ lɛ́ é gěgé wɛ yí wǎn nú lěe é bló bɔ Xó Mawu tɔn ɖo gbɛ gbɔn é. Yě nɔ mɔ ɖɔ, ɖó mɛ vovo wɛ ɖɔ xó dó mɛ e xó Biblu ɖɔ lɛ́ é ɖokpó ɖokpó sín tɛnmɛ wútu ɔ, énɛ́ d’alɔ bɔ yě nɔ kpé wú bo nɔ dó nukún tan Biblu tɔn lɛ́ mɛ lobo nɔ mɔ nukún jɛ nǔ e è wlán lɛ́ é mɛ ganjí. (Nǔx 4:5) Mɛ gěgé lɛ́ mɔ ɖɔ Biblu xa dó kan jí ɔ sise nɔ xo hwihwɛ́ yě hwenu e linkpɔ́n vun blá yě é.—Ðɛ 94:19.

Tóɖíɖó Biblu xa dó kan jí ɔ sixú húzú gbɛzán mɛtɔn. (2Ta 34:19-21) Ényí Biblu xa dó kan jí ɔ sín akpáxwé ɖé alǒ blěbú tɔn ɖe ɖo gbe e a se é ɖé mɛ ɔ, a ka sixú sɔ́ tóɖíɖó Biblu xa dó kan jí ɔ gbe bǐ gbe dó nǔ e gbe a nɔ nya ɖo gbigbɔ lixo lɛ́ é mɛ a?

KPƆ́N VIDEO NǓSÍSƆ́ NÚ BIBLU XA DÓ KAN JÍ: KPƐVÍ Ɔ Ɔ, ÉNƐ́ GÚDO HǓN, NǍ XÓSIN NÚ NǓKANBYƆ́ ÉLƆ́:

Étɛ́ ka jí wǔ nú we ɖo lěe è sɔ́ nǔ nú Biblu xa dó kan jí ɔ gbɔn é mɛ?