Hwenu e a mɔ ɖɔ gbɛ vɛ́ wǔ nú émí dín é

Hwenu e Jɔbu ɖo wǔvɛ́ mɛ é ɔ, é jlɛ́ éɖée dó kannumɔ e è hɛn gǎnnugǎnnu bɔ é ná w’azɔ̌ é wú (Jɔb 7:1; w06 15/3 14 akpá. 10)

É se wǔvɛ́ sɔmɔ̌ bo gbɔ bo ɖɔ lěe nǔ cí n’i é nyi wɛn (Jɔb 7:11)

É tlɛ byɔ́ ɖɔ émí ní kú (Jɔb 7:16; w20.12 16 akpá. 1)

Nɔví súnnu wínnyáwínnyá ɖé yi xɔ́ntɔn tɔn e zin ɖo gbigbɔ lixo é xwégbe, bo ɖo lěe nǔ cí n’i é ɖɔ n’i wɛ.

Ényí é wá jɛ bɔ a mɔ ɖɔ gbɛ vɛ́ wǔ nú émí dín hǔn, xo ɖɛ sɛ́dó Jexóva bo ɖɔ nǔ e ɖo ayi towe mɛ lɛ́ é bǐ n’i, bo lɛ́ ɖɔ lěe nǔ cí nú we é nú xɔ́ntɔn e zin é ɖé: énɛ́ sixú nyí afɔ nukɔntɔn e a ná ɖe, b’ɛ ná zɔ́n bɔ a ná mɔ̌ hwiɖée mɛ kpɛɖé é.—g 1/12 16-17.