Lěe È Ná Kplɔ́n Nǔ Gbɔn é
Wǎ gbeta nǔ e a ná kplɔ́n jɛ nukɔn é tɔn kɔn
Hwenu e mǐ mɛ ɖokpó ɖokpó ɖó bo ná dó kplɔ́n nǔ ná é ɖó dogbó. Nɛ̌ mǐ ka sixú zán hwenu énɛ́ ganjí gbɔn? Nukɔntɔn, xa nǔ ɔ dɛ̌dɛ̌. É ná bo nyí nǔ kpɛɖé wɛ a xwe sɔ bo kplɔ́n ɔ, é ná nyɔ́ hú a xo nǔ gěgé kplé.
Énɛ́ wú ɔ, wǎ gbeta nǔ e a ná kplɔ́n jɛ nukɔn é ɖé lɛ́ tɔn kɔn. (Efɛ́. 5:15, 16) Wěɖexámɛ ɖé lɛ́ ɖíe:
Nɔ xa Biblu gbe bǐ gbe. (Ðɛh. 1:2) Akpáxwé Mawuxówéma ɔ tɔn e mǐ nɔ ba do ná ɖo kplé aklúnɔzángbla tɛ́ntin tɔn ɖokpó ɖokpó hwenu é jí bíbɛ́ sín ná nyɔ́ tawun.
Nɔ sɔ́ nǔ nú Atɔxwɛ kplɔ́nkplɔ́n kpó kplé aklúnɔzángbla tɛ́ntin tɔn kpó. Nɔ ɖo gbesisɔmɛ bá ná xósin.—Ðɛh. 22:23.
Ényí a ɖó hwenu hǔn, kɛnklɛ́n bo nɔ xa Atɔxwɛ mɛ bǐ tɔn lɛ́, nɔ kpɔ́n video lɛ́, lobo nɔ lɛ́ ɖu le xóta ɖěɖěe nɔ tɔ́n ɖo jw.org jí lɛ́ é tɔn.
Nɔ kplɔ́n xóta ɖěɖěe nɔ dɔn we lɛ́ é. A sixú ba do nú nǔ dó tagba e ɖí xwi xá wɛ a ɖe é, nǔkanbyɔ́ e a ɖó é ɖé, alǒ xóta Biblu tɔn e wú a jló ná mɔ nukúnnú jɛ hú gǎn é ɖé wú. Kpɔ́n akpáxwé “Biblu kplɔ́nkplɔ́n sín azɔ̌ lɛ́” e ɖo jw.org jí é bá dó mɔ nǔ ɖagbe lɛ́.