Fítɛ́ a ka sixú mɔ wěɖexámɛ ɖejidéwú lɛ́ ɖe ɖo égbé?

Ðo gbɛ élɔ́ e fɔ́n bo ɖo hǔzúhúzú wɛ é mɛ ɔ, nɛ̌ a ka sixú kú d’é jí ɖɔ gbeta towe lɛ́ ná wá tɔ́n kɔ dó ɖagbe mɛ gbɔn? Nɛ̌ a ka sixú kú d’é jí ɖɔ nǔ e è ɖɔ é sɔgbe égbé é ɔ, è kún sɔ́ ná wá ɖɔ é nylá ɖo sɔ ó gbɔn?

Biblu sixú d’alɔ we bɔ a ná wá gbeta e ma ná wá vɛ́ nú we gbeɖé ǎ lɛ́ é kɔn. Gbɔn nɛ̌ é? Gbɛɖótɔ́ mǐtɔn gɔ́n wɛ Biblu ɔ gosín, bɔ é tuun nǔ e ná ná mǐ awǎjijɛ jɔ awǎjijɛ kpó ayijayǐ jɔ ayijayǐ kpó é.

Mǐ sixú ɖeji dó nǔnywɛ́ jɔ nǔnywɛ́ e ɖo Biblu mɛ é wú. É ɖó gǎnjɛwú “káká sɔ́yi.”—Ðɛhan 111:8.

Étɛ́wú a ma ka ná gbéjé lěe Biblu sixú d’alɔ we gbɔn ɖo gbɛ élɔ́ e fɔ́n bo ɖo hǔzúhúzú wɛ é mɛ é kpɔ́n ǎ?