Mɛ e nɔ ba ná nyɔ́ ɖo Jexóva sí lɛ́ é nɔ wá gbeta e nǔnywɛ́ kpé lɛ́ é kɔn

Xa Bǐbɛ́mɛ 25:29-34 bá kpɔ́n ɖɔ Esáwu kpó Jakɔ́bu kpó ka wá gbeta e nǔnywɛ́ kpé lɛ́ é kɔn a jí.

Ba do nú nǔ d’é jí ɖo nǔ e lɛ́ lɛ̌ dó tan ɔ lɛ́ é mɛ. Étɛ́ ka jɛ jɛ nukɔn? (Bǐb. 25:20-28) Étɛ́ ka wá jɛ bɔ d’é wú?—Bǐb. 27:1-46.

Ba do nú nǔ dó gǒflɛ́mɛ lɛ́ wú. Hwenɛ́nu ɔ, acɛ tɛ́ lɛ́ vǐ súnnu ɖaxó ɖé ka nɔ ɖó? Azɔ̌ tɛ́ lɛ́ é ka ɖó ná wa?—Bǐb. 18:18, 19; w10-F 1/5 13.

• É byɔ́ ɖɔ súnnu ɖé ní nyí vǐ súnnu ɖaxó cóbá nyí tɔ́gbó Mɛsíya ɔ tɔn lɛ́ ɖokpó wɛ a? (w17.12 14-15)

Lin tamɛ dó nǔ e a kplɔ́n lɛ́ é jí, bo zán yě. Étɛ́wú linlin e Jakɔ́bu ɖó dó wǔ ɖěɖěe è nɔ jɔ vǐ súnnu ɖaxó ɖé é wú é ka gbɔn vo nú Esáwu tɔn? (Ebl. 12:16, 17; w03-EG 15/10 28-29) Nɛ̌ nǔ ka cí nú Jexóva dó nɔví nɔví we lɛ́ wú? Aniwú? (Mal. 1:2, 3) Étɛ́ Esáwu ka sixú ko wa bo ná dó kpé wú bá wá gbeta ɖagbe lɛ́ kɔn?

• Kan nǔ élɔ́ byɔ́ hwiɖée: ‘Nɛ̌ un ka sixú ɖe xlɛ́ ɖɔ Jexóva sinsɛn ɖo tají tawun nú mì hwenu e un ɖo gbeta lěe un ná zán hwenu ce ɖo aklúnɔzángbla ɔ mɛ gbɔn é tɔn kɔn wá wɛ é, bo tɛ́n kpɔ́n bo mɔ hwenu nú mawusinsɛn ɖo xwédo mɛ gbɔn?’