Gbejínɔtɔ́ lɛ́ nɔ ɖe akpá yětɔn lɛ́

Xa Hwɛɖɔtɔ́ lɛ́ 11:30-40 bá kplɔ́n nǔ dó Jɛfutée kpó vǐ nyɔ̌nu tɔn kpó sín tan e kunkplá akpá lɛ́ ɖiɖe é wú.

Gbějé nǔ ɖěɖěe lɛ́ lɛ̌ dó wěmafɔ ɔ lɛ́ é kpɔ́n. Nukún tɛ́ Izlayɛ́li ví gbejínɔtɔ́ lɛ́ ka nɔ sɔ́ dó kpɔ́n akpá e yě dó nú Jexóva lɛ́ é ná? (Kɛ́n. 30:2) Nɛ̌ Jɛfutée kpó vǐ nyɔ̌nu tɔn kpó ka xlɛ́ ɖɔ émí ɖi nǔ nú Jexóva gbɔn?—Hwɛ. 11:9-11, 19-24, 36.

Ba do nú nǔ d’é jí. Étɛ́ ka ná ko ɖo Jɛfutée sín ayi mɛ hwenu e é dó akpá é? (w16.04 7 akpá. 12) Vɔ̌ tɛ́ lɛ́ Jɛfutée kpó vǐ nyɔ̌nu tɔn kpó ka sá bá dó ɖe akpá e é dó é? (w16.04 7-8 akpá. 14-16) Akpá alɔkpa tɛ́ lɛ́ klisánwun lɛ́ ka sixú dó ɖo égbé?—w17.04 5-8 akpá. 10-19.

Ba nǔkplɔ́nmɛ lɛ́. Kanbyɔ́ hwiɖée ɖɔ:

• ‘Étɛ́ ka sixú d’alɔ mì bɔ un ná ɖe akpá e un dó ɖɔ un ná sɛn Jexóva káká sɔ́yi é?’ (w20.03 13 akpá. 20)

• ‘Vɔ̌ tɛ́ lɛ́ un ka sixú sá bá dó sɛn Jexóva d’é jí bǐ mlɛ́mlɛ́?’

• ‘Nɛ̌ un ka sixú ná hlɔ̌nhlɔ́n kán e un kán ɖ’é jí bá nɔ gbejí nú mɛ e un da é gbɔn?’ (Mat. 19:5, 6; Efɛ́. 5:28-33)