Ðiɖe lɛ́ ní kplɔ́n nǔ we

Ðiɖe lɛ́ nɔ nɔ wěma mǐtɔn lɛ́ mɛ bo nɔ kplɔ́n nǔ tají lɛ́ mǐ. Nɛ̌ a ka sixú ɖu le nǔ énɛ́ lɛ́ e nukún nɔ mɔ lɛ́ é tɔn hú gǎn gbɔn?

• Nɔ kpɔ́n ɖiɖe lɛ́ hwɛ̌, cóbó nɔ xa xóta ɔ. Ðiɖe lɛ́ sixú dɔn ayi towe bo sísɛ́ we bɔ a ná xa xóta ɔ. Ényí è mɔ nǔɖuɖu víví ɖé ɖo gannú mɛ ɔ, akpakpa nɔ sɔ́ mɛ dó ɖuɖu tɔn wú. Énɛ́ wú ɔ, nɔ kanbyɔ́ hwiɖée ɖɔ: ‘Étɛ́ mɔ wɛ un ka ɖe?’—Amɔ́. 7:7, 8.

• Ée a ná ɖo xóta ɔ xa wɛ é ɔ, lin tamɛ dó nǔ e wú è zán ɖiɖe lɛ́ é jí. Ényí è ná tínmɛ dó ɖiɖe lɛ́ jí, alǒ nǔwlánwlán lɛ́ zɔn kpɔ́ xá ɖiɖe lɛ́ hǔn, xa yě. Lin tamɛ dó lěe ɖiɖe lɛ́ cá kan xá xóta e jí ɖɔ xó dó wɛ è ɖe é kpó gbɛzán towe kpó gbɔn é jí.

• A xa xóta ɔ fó hǔn, zǎn ɖiɖe lɛ́ dó vɔ́ nǔ tají e jí è ɖɔ xó dó ɖo xóta ɔ mɛ lɛ́ é jí gbɔn. Énɛ́ gúdo hǔn, myɔ̌ nukún bo tɛ́n kpɔ́n bo flín ɖiɖe lɛ́ kpó nǔ e yě kplɔ́n we lɛ́ é kpó.

• Étɛ́wú a ma ka ná vɔ́ ɖiɖe e ɖo xójláwéma élɔ́ mɛ lɛ́ é jí gbɔn bo ná kpɔ́n ɖɔ a ka ná sixú flín nǔ e yě kplɔ́n we lɛ́ é a jí ǎ?