Wà Nǔ Jozɛfu Ðɔhun: Hɔn nú Nǔbliblíwiwa

Jozɛfu sɔ́ kpɔ́ndéwú ɖagbe e mǐ sixu xwedó, hwenu e mǐ na ja mɔ nǔbliblíwiwa tɔn mɛ jɛ gbé é ɖ’ayǐ nú mǐ. Hweɖebǔnu e gǎn tɔn sín asì tɛ́n kpɔ́n bo na hu jì n’i é ɔ, é nɔ gbɛ́. (Bǐ 39:7-10) É ɖɔ: “Un sixu dó nǔ baɖabaɖa mɔhun sin, bo hu hwɛ dó Mawu ce ǎ.” Enɛ xlɛ́ ɖɔ é ko lin tamɛ dó linlin e Jehovah nɔ ɖó dó gbejininɔ ɖò asú kpo asì kpo tɛntin wu é jí. Enɛ wɛ zɔ́n bɔ hwenu e ninɔmɛ ɔ wá syɛn bǐ é ɔ, é dán lɛjɛlɛjɛ bo jó nyɔnu ɔ dó nú é ɖè kan kpò nú kán e é kánɖeji bá wà nǔ jlɔjlɔ é ǎ, é nyɔ́ wà ɔ, é hɔn.—Bǐ 39:12; 1Kɔ 6:18.

KPƆ́N VIDEO HƆN NÚ NǓBLIBLÍWIWA Ɔ, ENƐ GUDO HǓN, NǍ XÓSIN NÚ NǓKANBYƆ ELƆ LƐ:

• 

  Ninɔmɛ tɛ ka kpannukɔn Jaan?

• 

  Nǔnywɛnú tɛ Jaan ka kanbyɔ éɖée hwenu e Mimi byɔ ɛ ɖɔ é ni wá d’alɔ emi ɖò akɔ́nwunta biblo mɛ ɖò xwégbe é?

• Nɛ̌ nǔ ka cí nú Jaan hwenu e Mimi byɔ ɛ alɔdó é?

• 

  Nɛ̌ Jaan ka mɔ alɔdó gbɔn?

• 

  Etɛ Jaan ka wà dó hɔn nú nǔbliblíwiwa?

• Etɛ lɛ video ɔ ka kplɔ́n we?