1 Kronika
7 Isakar bihii ji Tola, kɛ Pua, kɛ Yashub, kɛ Shimron+—amɛyi ejwɛ. 2 Ni Tola bihii ji Uzi, kɛ Refaia, kɛ Yeriel, kɛ Yahemai, kɛ Ibsam, kɛ Shemuel, ni ji amɛtsɛmɛi ashĩai onukpai lɛ. Tola seshibii lɛ ji tawulɔi kãkãlɔi, ni yɛ David gbii lɛ amli lɛ amɛyifalɛ ji 22,600. 3 Ni Uzi seshibii* ji Izrahia kɛ Izrahia bihii Mikael, kɛ Obadia, kɛ Yoel, kɛ Ishia—amɛyi enumɔ lɛ fɛɛ lɛ, shĩa onukpai* ji amɛ. 4 Ni amɛ kɛ amɛseshibii lɛ, yɛ amɛtsɛmɛi ashĩai onukpai lɛ anaa lɛ, amɛyɛ asraafoi 36,000 yɛ amɛteŋ kɛhã ta, ejaakɛ amɛyɛ ŋamɛi kɛ bihii babaoo. 5 Ni amɛnyɛmimɛi hii ni jɛ shĩai fɛɛ ni yɔɔ Isakar weku lɛ mli lɛ ji tawulɔi kãkãlɔi, amɛyi 87,000 tamɔ bɔ ni aŋma yɛ wekutɔkpaa wolo lɛ mli lɛ.+
6 Benyamin+ bihii ji Bela,+ kɛ Beker,+ kɛ Yediael+—amɛyi etɛ. 7 Ni Bela bihii ji Ezbon, kɛ Uzi, kɛ Uziel, kɛ Yerimot, kɛ Iri—amɛyi enumɔ—ni amɛji amɛtsɛmɛi ashĩai lɛ onukpai, tawulɔi kãkãlɔi, ni amɛyi 22,034 tamɔ bɔ ni aŋma yɛ amɛwekutɔkpaa wolo lɛ mli lɛ.+ 8 Ni Beker bihii ji Zemira, kɛ Yoash, kɛ Eliezer, kɛ Elioenai, kɛ Omri, kɛ Yeremot, kɛ Abiya, kɛ Anatot, kɛ Alemet—Beker bihii ji mɛnɛɛmɛi fɛɛ. 9 Amɛseshibii lɛ ateŋ mɛi ni ji tawulɔi kãkãlɔi ni aŋmala amɛgbɛ́i yɛ amɛwekutɔkpaa wolo lɛ mli yɛ amɛtsɛmɛi ashĩai anaa lɛ ayifalɛ ji 20,200. 10 Yediael+ binuu* ji Bilhan, ni Bilhan bihii ji Yeush, kɛ Benyamin, kɛ Ehud, kɛ Kenaana, kɛ Zetan, kɛ Tarshish, kɛ Ahishahar. 11 Yediael seshibii* ji mɛnɛɛmɛi fɛɛ, ni ayɛ tawulɔi kãkãlɔi 17,200 ni asaa amɛ kɛhã ta yɛ amɛtsɛmɛi ashĩai onukpai lɛ anaa.
12 Ni Ir+ bihii ji Shupim kɛ Hupim; ni Aher seshibii* ji Hushimbii lɛ.
13 Naftali+ bihii ji Yaziel kɛ Guni kɛ Yezer kɛ Shalum—Bilha+ seshibii* ji amɛ.
14 Manase+ bihii lɛ nɛ: Asriel, mɔ ni ekɛ ehemɔ* Siria yoo lɛ fɔ lɛ lɛ. (Yoo nɛɛ ni fɔ Gilead papa Makir.+ 15 Makir yatao ŋamɛi ehã Hupim kɛ Shupim, ni enyɛmi yoo ji Maaka.) Mɔ ni ji enyɔ nɔ ji Zelofehad,+ shi Zelofehad fɔ yei sɔŋŋ.+ 16 Makir ŋa Maaka fɔ binuu ni ewo lɛ gbɛ́i Peresh; ni atsɛɔ enyɛmi nuu lɛ hu Sheresh; ni ebihii ji Ulam kɛ Rekem. 17 Ni Ulam binuu* ji Bedan. Mɛnɛɛmɛi ji Manase binuu Makir binuu Gilead bihii. 18 Ni enyɛmi yoo ji Hamoleket. Yoo nɛɛ fɔ Ishod, kɛ Abiezer, kɛ Mala. 19 Ni Shemida bihii ji Ahian, kɛ Shekem, kɛ Likhi, kɛ Aniam.
20 Efraim+ seshibii lɛ nɛ: Efraim binuu ji Shutela,+ ni lɛ hu ebinuu ji Bered, ni lɛ hu ebinuu ji Tahat, ni lɛ hu ebinuu ji Eleada, ni lɛ hu ebinuu ji Tahat, 21 ni lɛ hu ebinuu ji Zabad, ni lɛ hu ebinuu ji Shutela; kɛ Ezer kɛ Elead. Shi Gat+ hii ni afɔ yɛ shikpɔŋ lɛ nɔ lɛ gbe amɛ, ejaakɛ amɛkpeleke shi koni amɛyamɔmɔ kooloi ni amɛlɛɔ lɛ. 22 Amɛpapa Efraim ye awerɛho gbii babaoo, ni enyɛmimɛi hii lɛ baa amɛbashɛjeɔ emii. 23 No sɛɛ lɛ, ekɛ eŋa ná bɔlɛ, ni yoo lɛ ná musu ni efɔ binuu. Ni Efraim wo lɛ gbɛ́i Beria,* ejaakɛ yoo lɛ fɔ be ni sane fɔŋ eba Efraim shĩa lɛ. 24 Ni ebiyoo ji Sheera, mɔ ni to maji ni ji Jɔɔŋgbɛ+ Bet-horon kɛ Gɔŋnɔgbɛ Bet-horon+ kɛ Uzen-sheera lɛ. 25 Ni ebinuu ji Refa, kɛ Reshef, ni Reshef hu binuu ji Tela, ni Tela hu binuu ji Tahan, 26 ni lɛ hu ebinuu ji Ladan, ni lɛ hu ebinuu ji Amihud, ni lɛ hu ebinuu ji Elishama, 27 ni lɛ hu ebinuu ji Nun, ni lɛ hu ebinuu ji Yoshua.*+
28 Amɛgbɛfaŋnɔ kɛ amɛshihilɛhei ji Betel+ kɛ ehe maji ni baa lɛ abo* lɛ, ni yɛ bokãgbɛ lɛ, Naaran, ni yɛ anaigbɛ hu lɛ, Gezer kɛ ehe maji ni baa lɛ abo lɛ, kɛ agbɛnɛ hu Shekem kɛ ehe maji ni baa lɛ abo lɛ, aahu kɛyashi Aya* kɛ ehe maji ni baa lɛ abo lɛ; 29 ni yɛ Manase seshibii lɛ amasɛi hu lɛ, Bet-shean+ kɛ ehe maji ni baa lɛ abo* lɛ, kɛ Taanak+ kɛ ehe maji ni baa lɛ abo lɛ, kɛ Megido+ kɛ ehe maji ni baa lɛ abo lɛ, kɛ Dor+ kɛ ehe maji ni baa lɛ abo lɛ. Yosef, Israel binuu lɛ seshibii lɛ hi nɛkɛ hei nɛɛ.
30 Asher bihii ji Imna kɛ Ishva kɛ Ishvi kɛ Beria,+ ni amɛnyɛmi yoo ji Sera.+ 31 Beria bihii ji Heber kɛ Malkiel, Malkiel ji Birzait papa. 32 Heber fɔ Yaflet kɛ Shomer kɛ Hotam, kɛ amɛnyɛmi yoo Shua. 33 Ni Yaflet bihii ji Pasak kɛ Bimhal kɛ Ashvat. Yaflet bihii ji mɛnɛɛmɛi. 34 Shemer* bihii ji Ahi kɛ Roga kɛ Yehuba kɛ Aram. 35 Enyɛmi nuu Helem* bihii ji Zofa kɛ Imna kɛ Shelesh kɛ Amal. 36 Ni Zofa bihii ji Sua kɛ Harnefer kɛ Shual kɛ Beri kɛ Imra 37 kɛ Bezer kɛ Hod kɛ Shama kɛ Shilsha kɛ Itran kɛ Beera. 38 Yeter bihii ji Yefune kɛ Pispa kɛ Ara. 39 Ula bihii ji Ara kɛ Haniel kɛ Rizia. 40 Asher bihii ji mɛnɛɛmɛi fɛɛ, amɛtsɛmɛi ashĩa onukpai lɛ, tawulɔi kãkãlɔi lɛ, mɛi ni ahala lɛ, tatsɛmɛi lɛ; ni amɛyifalɛ tamɔ bɔ ni aŋma yɛ amɛwekutɔkpaa wolo+ lɛ mli ji hii 26,000+ kɛhã ta.