Hiob

7 “Gbɔmɔ adesa* wala shihilɛ yɛ shikpɔŋ lɛ nɔ lɛ, ani etamɔɔɔ nitsumɔ ni wa ni anyɛɔ mɔ nɔ ni etsu,

Ni egbii lɛ hu tamɔɔɔ apaafonyo gbii?+

 2 Etaoɔ hɔɔŋ tamɔ nyɔŋ feɔ lɛ,

Ni emɛɔ enyɔmɔwoo tamɔ apaafonyo feɔ lɛ.+

 3 Nakai nɔŋŋ ahã miwala efee nɔ ni sɛɛnamɔ ko bɛ he nyɔji abɔ nɛ,

Ni akane jenamɔi babaoo kɛ amɛmli haomɔi ahã mi.+

 5 Miheloo fɛɛ ewo gɔgɔmii kɛ muji ni efimɔ kpɔbiikpɔbii;+

Mihewolo nɔ eyi kɛ faji ni hiɛ emɔmɔ akaka kɛ faji amli nu.+

 6 Migbii lɛ hoɔ oyayaayai fe tso ni mamalolɔ kɛloɔ mama,+

Ni amɛbaa naagbee ní hiɛnɔkamɔ ko bɛ.+

 7 Kaimɔ akɛ miwala lɛ, kɔɔyɔɔ ni,+

Ni mihiŋmɛi enaŋ miishɛɛ* dɔŋŋ.

 8 Hiŋmɛi ni naa mi amrɔ nɛɛ enaŋ mi dɔŋŋ;

Ohiŋmɛii baatao mi, shi no mli lɛ mitee.+

 9 Bɔ ni atatu tseɔ fiofio ni elaajeɔ lɛ,

Nakai nɔŋŋ mɔ ni kpelekeɔ shi kɛyaa Gbonyobu* lɛ mli lɛ ekuuu esɛɛ kɛbaaa dɔŋŋ.+

10 Ekuŋ esɛɛ kɛbaŋ eshĩa dɔŋŋ,

Ni he ni eyɔɔ lɛ kaiŋ lɛ dɔŋŋ.+

Mawie yɛ mimumɔ ni werɛ eho ehe waa lɛ mli;

Mafã minaa yɛ haomɔ ni mihao waa* lɛ mli!+

12 Ani ŋshɔ ji mi, aloo ŋshɔŋ loo agbo ko ji mi

Hewɔ ni otoɔ bulɔ yɛ mihe lɛ?

13 Kɛji mikɛɛ akɛ, ‘Misaa lɛ baashɛje mimii;

Misaatso lɛ baawa koni miwerɛhoyeli lɛ naa aba shi’ lɛ,

14 Kɛkɛ lɛ, okɛ lamɔi miiwo mihe gbeyei,

Ni okɛ ninai hu woɔ mihe gbeyei,

15 No hewɔ lɛ, masumɔ ni mimumɔ naa atsĩ,*

Hɛɛ, masumɔ gbele moŋ fe nɛkɛ migbɔmɔtso nɛɛ.*+

17 Mɛni ji gbɔmɔ adesa,* hewɔ ni osusuɔ ehe

Ni okɛ ojwɛŋmɔ maa* enɔ?+

18 Mɛni hewɔ okwɛɔ lɛ daa leebi

Ni okaa lɛ okwɛɔ hiŋmɛitswaa fɛɛ hiŋmɛitswaa lɛ?+

19 Ani ojieŋ ohiɛ yɛ minɔ

Ni oŋmɛŋ mihe be kplaŋŋ koni manyɛ mami misɛ̃ŋ nu?*+

21 Mɛni hewɔ okɛ mimlatɔmɔ lɛ ekeee mi

Ni okɛ mitɔmɔ lɛ hu ekeee mi?

Ejaakɛ etsɛŋ, mayakã shi yɛ sũ* lɛ mli,+

Ni obaatao mi, shi no mli lɛ mitee.”