Yehowa kɛ Yiwalaherelɔ ha wɔ

29 Klɛŋklɛŋ mumɔŋ gbɔmɔ ni Nyɔŋmɔ fee lɛ lɛ tamɔ kromɔ bi kɛha lɛ.

Nyɔŋmɔ sumɔɔ lɛ naakpa ni ekɛ lɛ tsuɔ nii koni ekpata gbɔmɛi fɔji ahiɛ ni ehere toibolɔi lɛ ayiwala.—Yohane 3:16, 36

30 Yehowa tsu e-Bi lɛ ni abafɔ lɛ yɛ shikpɔŋ nɔ. Awo lɛ gbɛi akɛ Yesu. Enyɛ gbɛi ji Maria.—Luka 1:30-35

31 Beni Yesu tsɔ onukpa lɛ etsɔɔ nibii kpakpai babaoo. Etsɔɔ akɛ Yehowa pɛ ji anɔkwa Nyɔŋmɔ lɛ.—Marko 12:29, 30

Yesu kɛɛ akɛ esa akɛ wɔja Yehowa pɛ.—Mateo 4:10; Yohane 4:23, 24

Etsɔɔ gbɔmɛi lɛ nibii ni kɔɔ Yehowa Maŋtsɛyeli lɛ he.—Luka 17:20, 21

32 Yesu tsa mɛi ni he yeɔ lɛ ahelai ni efee nibii kpakpai babaoo. Efeee nibii fɔji.—Bɔfoi lɛ Asaji 10:38; 1 Petro 2:21, 22

Shi te eeefee tɛŋŋ ehere wɔ kɛjɛ esha kɛ gbele mli?

33 Esa ni esha afɔle eha Nyɔŋmɔ ni ekɛhere gbɔmɛi kpakpai ayiwala. Blema lɛ Nyɔŋmɔ kɛɛ gbɔmɛi ni amɛkɛ kooloi asha afɔle yɛ amɛhe eshai ahewɔ.—Hebribii 7:25, 27

34 Yesu kɛ kooloi eshaaa afɔle. Ekɛ lɛ diɛŋtsɛ ehe ha wɔ akɛ afɔleshaa nɔ̃.—Mateo 20:28; Hebribii 10:12

Ani ole nɔ̃ hewɔ?