Bɔ ni Ahereɔ Wɔyiwala Kɛjɛɔ Esha kɛ Gbele Mli

35 Ani okaiɔ akɛ Adam, klɛŋklɛŋ gbɔmɔ lɛ fee esha? Elaaje wala kɛ paradeiso, ni wɔ fɛɛ wɔgboiɔ hu, ejaakɛ ebii ji wɔ.—Romabii 5:12; 3:23

36 Wɔbaanyɛ wɔna wala ni yeɔ emuu nɛɛ ekoŋŋ, kɛ gbɔmɔ kroko ni yeɔ emuu kɛ ewala fɔ shi ha wɔ, aloo ekpɔ̃ wɔ kɛjɛ gbele mli.—1 Korintobii 15:45; Romabii 5:19, 21

37 Yesu ji Nyɔŋmɔ Bi. Eji gbɔmɔ ni yeɔ emuu. Efeee esha.—Hebribii 5:9; 7:26

38 Eŋmɛ gbɛ ni gbɔmɛi ni sumɔɔɔ Nyɔŋmɔ lɛ gbe lɛ.—Bɔfoi lɛ Asaji 2:23

Enɛ ji lɛ diɛŋtsɛ ehe ni ekɛsha afɔle eha wɔ.—1 Timoteo 2:6

39 Afu Yesu yɛ gbonyobu ni akpɛ yɛ tɛsaa ko mli lɛ mli. Egbo gbii etɛ. Kɛkɛ ni Nyɔŋmɔ tee lɛ shi.—Bɔfoi lɛ Asaji 2:24

40 Eku esɛɛ kɛtee ŋwɛi. Agbɛnɛ ebaanyɛ ebi ni Nyɔŋmɔ aye abua mɛi ni boɔ Nyɔŋmɔ toi lɛ.—Hebribii 9:24; 1 Yohane 2:1, 2