Ŋwɛi Maŋtsɛ Kɛ Jɔɔmɔi Baa Shikpɔŋ Nɔ

41 Yehowa fee Yesu Maŋtsɛ yɛ ŋwɛi.—Yesaia 9:5; Daniel 7:13, 14; Bɔfoi lɛ Asaji 2:32-36

42 Ebaaye shikpɔŋ muu lɛ fɛɛ nɔ.—Daniel 7:14; Mateo 28:18

43 Ani okaiɔ nɔ ni baaba gbɔmɛi fɔji anɔ lɛ?—Lala 37:9, 10; Luka 13:5

44 Ani okaiɔ klɛŋklɛŋ ŋwɛibɔfo ni fee esha lɛ gbɛi? Yesu baajie lɛ kɛ ŋwɛibɔfoi fɔji krokomɛi lɛ fɛɛ kɛya. Abaakpata amɛ amagai kɛ wɔji lɛ ahiɛ.—Hebribii 2:14; Kpojiemɔ 20:2, 10

45 Yesu baafee nibii kpakpai babaoo eha toibolɔi lɛ.—Hebribii 5:9

46 Mɔ ko mɔ ko he yeŋ dɔŋŋ.—Yesaia 33:24; Kpojiemɔ 22:1, 2

Ani okaiɔ bɔ ni Yesu tsa gbɔmɛi ni he yeɔ lɛ?

47 Mɔ fɛɛ mɔ baana nibii kpakpai.—Yesaia 65:17, 21-23

48 Nyɔŋmɔ kaiɔ gbɔmɛi ni egboi po. Ebaatsɔ Yesu nɔ ekɛ amɛ aba wala mli ekoŋŋ. Atsɛɔ enɛ akɛ gbohiiashitee.—Yohane 5:28, 29; 11:25

49 Kɛ agbe gbɔmɛi fɔji fɛɛ lɛ, mɔ ko gboŋ dɔŋŋ. Kooloi ni hiɛ yɔɔ la lɛ po yeŋ awui. Mɔ fɛɛ mɔ mii baashɛ ehe kɛya naanɔ.—Kpojiemɔ 21:4; Yesaia 65:25; Lala 37:11, 29