Ninefɔɔ Ní Wɔkɛhaa bo

Wɔná sane ní wɔkɛ bo egba kɛtsɔ wolo bibioo nɛɛ baafai anɔ lɛ he miishɛɛ waa. Wɔheɔ wɔyeɔ akɛ oná Yehowa Odasefoi ahe saji babaoo ní ole lɛ he miishɛɛ. Ofainɛ, kpɛlɛmɔ nine ní wɔfɔ̃ɔ bo ní obasara wɔ yɛ wɔ maŋ nɛŋ Maŋtsɛyeli Asa lɛ nɔ lɛ nɔ. Baakwɛ bɔ ni wɔfeɔ wɔkpeei wɔhaa. Baakwɛ bɔ ni wɔbɔɔ mɔdɛŋ akɛ wɔkɛ mɛi krokomɛi aaagba sanekpakpa ni ji paradeiso shikpɔŋ ni baahi Kristo Maŋtsɛyeli shishi lɛ he sane.

Nyɔŋmɔ ji mɔ ni wo shi. “Yɛ eshiwoo lɛ naa lɛ wɔmiikwɛ ŋwɛi hee kɛ shikpɔŋ hee ni jalɛ hiɔ mli lɛ gbɛ.” (2 Petro 3:​13) Afii ohai abɔ eho. Be ní wɔkɛmɛɔ lɛ miibɛŋkɛ enaagbee. Je lɛŋ shihilɛi tsɔɔ enɛ faŋŋ.

Bɔfo Paulo kɛɛ akɛ: “Nyɛhaa wɔyɔseyɔsea wɔhe, koni wɔhiɛ adɔ suɔmɔ kɛ nitsumɔi kpakpai ahe, ni wɔkakwa wɔhe naabuamɔ . . . akɛni nyɛnaa akɛ gbi lɛ miibɛŋkɛ nɛɛ.” (Hebribii 10:​24, 25) Wɔmiifɔ̃ bo nine ní obo Paulo ŋaawoo lɛ toi kɛtsɔ wɔhe ní ooofata kɛkpe lɛ nɔ.