NIKASEMƆ 5

Kanemɔ Nii Jogbaŋŋ

1 Timoteo 4:13

NƆ NI ESA AKƐ OFEE: Kanemɔ nɔ ni aŋma lɛ pɛpɛɛpɛ ni eje kpo.

Saamɔ ohe jogbaŋŋ. Susumɔ nɔ hewɔ ni aŋma sane lɛ he. Kasemɔ bɔ ni obaakane wiemɔi lɛ kuikui, moŋ fe wiemɔi komekomei. Okɛ wiemɔ ko akafata he, kaashi eko, ni okɛ eko akaye ekroko najiaŋ. Ohiɛ ahi niŋmaa mli okadii lɛ fɛɛ anɔ.

Bi onaanyo ko ni ebo bo toi ni etsɔɔ bo hei ni okaneee lɛ jogbaŋŋ lɛ.
Tsɛ wiemɔ fɛɛ wiemɔ jogbaŋŋ. Kɛji oleee bɔ ni atsɛɔ wiemɔ ko lɛ, kwɛmɔ dishinari mli, loo bo nɔ ni okaneɔ lɛ he rikɔdiŋ toi, loo bi mɔ ko ni le nikanemɔ jogbaŋŋ ni etsɔɔ bo.
Wiemɔ ni emli atse. Tsɛ wiemɔi lɛ jogbaŋŋ, wó oyitso nɔ, ní ogbɛ odaaŋ waa. Bɔɔ mɔdɛŋ ni ohã wiemɔi lɛ aje kpo faŋŋ.

Kanemɔ wiemɔi lɛ tamɔ bɔ ni awieɔ lɛ daa gbi lɛ. Akɛ nɔkwɛmɔnɔ lɛ, kaakɛɛ akɛ “nuu lɛ,” shi moŋ kɛɛmɔ akɛ, “nuu’ɛ.”