Ani Oji Bo Diɛŋtsɛ Omaga?

Adesai komɛi feɔ amɛ diɛŋtsɛ amɛhe amɛ amagai loo wɔji, ni amɛleee. Biblia lɛ tsɔɔ mli faŋŋ yɛ Efesobii 5:5 akɛ: “Ejaakɛ nyɛle enɛ momo akɛ, ajwamaŋbɔlɔ ko ajwamaŋbɔlɔ ko aloo nyaŋemɔ nitsulɔ ko aloo hiɛjoolɔ ko, ni ji wɔŋjalɔ, bɛ gbɛnaa yɛ Kristo kɛ Nyɔŋmɔ maŋtsɛyeli lɛ mli.” (Kolosebii 3:5; ekɛto Galatabii 5:​19-21 he.) Heloonaa nibii asɛɛdii baanyɛ abaje mɔ ko kɛ Nyɔŋmɔ teŋ. Paulo wieɔ mɛi ni tamɔ nɛkɛ lɛ ahe akɛ “amɛmũsũ ji amɛnyɔŋmɔ.” (Filipibii 3:​18, 19) Yɛ wiemɔ kroko mli lɛ, amɛyɛ “nyɔŋmɔ” kroko yɛ Yehowa sɛɛ, ni ji amɛ diɛŋtsɛ amɛheloonaa nibii asɛɛdii ni amɛkɛyeɔ klɛŋklɛŋ gbɛhe lɛ. Jeŋba ni tamɔ nɛkɛ baanyɛ ajie mɔ ko kɛjɛ Nyɔŋmɔ Maŋtsɛyeli lɛ mli. (1 Korintobii 6:​9, 10) No hewɔ lɛ, wɔyɛ yiŋtoo kpakpa ni wɔɔdamɔ nɔ wɔbo bɔfo Paulo wiemɔi nɛɛ toi: “No hewɔ lɛ, misuɔmɔ mɛi, nyɛjoa wɔŋjamɔ naa foi!”​—1 Korintobii 10:⁠14.