Yesu Shihilɛ kɛ Esɔɔmɔ Nitsumɔ
Aŋɔ Iɛ Aha ni Akpala lɛ Kɛtee
BENI Yesu ni apiŋ Iɛ Iɛ kpoofeemɔ kɛ woo lɛ sa Pilato he ni ebɔ mɔdɛŋ ekoŋŋ koni eŋmɛɛ ehe lɛ, osɔfonukpai lɛ amli fu waa moŋ. Amɛtswa amɛfai shi akɛ amɛhaŋ nɔ ko afite amɛyiŋtoo fɔŋ lɛ. No hewɔ Iɛ amɛti amɛbolɔmɔ lɛ mli ekoŋŋ: “Sɛŋmɔ Iɛ! Sɛŋmɔ lɛ!”
Pilato kɛ mlifu ha hetoo akɛ: “Nyɛ diɛŋtsɛ nyɛŋɔa Iɛ ni nyɛyasɛŋa lɛ mɔ.” Nɔ ni kɛ amɛ klɛŋklɛŋ wiemɔ lɛ kpaaa gbee lɛ, Yudafoi lɛ baanyɛ ana hegbɛ ko ni amɛgbe efɔŋfeelɔi yɛ tɔmɔi ni hiɛdɔɔ yɔɔ mli ni kɔɔ jamɔ he Iɛ mli. Kɛkɛ ni Pilato jaje, kɛ hooo lɛ nɔ ni ji shii enumɔ nɔ akɛ Yesu yeee fɔ, akɛ: “Minaaa fɔbuu sane ko yɛ ehe.”
Akɛni Yudafoi lɛ na akɛ amɛmaŋkwramɔŋ naafolɔmɔi lɛ yeee omanye hewɔ lɛ, amɛku sɛɛ amɛtee jamɔ mli naafolɔmɔi akɛ ebɔ musu yɛ ŋmɛlɛtswaa fioo ko ni tsɔ hiɛ yɛ akuashɔŋ lɛ hiɛ Iɛ nɔ ekoŋŋ. Amɛkɛɛ: “Wɔ lɛ wɔyɛ mla, ni wɔmla Iɛ naa lɛ, esa gbele, ejaakɛ efee ehe Nyɔŋmɔ bi.”
Nɛkɛ naafolɔmɔ nɛɛ yɛ ehee kɛha Pilato, ni eha eshe gbeyei babaoo moŋ. Kpaako eyoo akɛ Yesu jeee gbɔmɔ folo ko kɛkɛ, taakɛ eŋa lamɔ Iɛ kɛ Yesu hewalɛ yɛ su kɛ baŋ mli tsɔɔ lɛ. Shi “Nyɔŋmɔ bi?” Pilato le akɛ Yesu jɛ Galilea. Shi ani eeenyɛ efee akɛ ehi shi pɛŋ da? Pilato kɛ lɛ tee maŋtsɛ we Iɛ ekoŋŋ, ni ebi lɛ akɛ: “Nɛgbɛ ojɛ?”
Shi Yesu ewieee. Etsɔ hiɛ ekɛɛ Pilato momo akɛ maŋtsɛ ji lɛ, ni akɛ e-Maŋtsɛyeli lɛ jɛɛɛ je nɛŋ. Sane mlitsɔɔmɔ kroko yɛ biɛ tsuŋ yiŋtoo kpakpa ko he nii. Shi edɔ Pilato akɛ ehaaa lɛ hetoo, ni emli fu Yesu kɛ wiemɔi nɛɛ: “Okɛmi ewieee? Ani oleee akɛ miyɛ hegbɛ akɛ misɛŋɔo, ni miyɛ hegbɛ hu akɛ miŋmɛɔ ohe?”
Yesu kɛ bulɛ ha hetoo akɛ: “Kɛ jeee ŋwɛi ajɛ aŋɔhao lɛ, kulɛ onaŋ hewalɛ ko yɛ minɔ.” Eewie hegbɛ ni Nyɔŋmɔ kɛha adesai nɔyelɔi ni amɛkɛkojo shikpɔŋ nɔ saji lɛ he. Yesu kɛfata he akɛ: “No hewɔ lɛ mɔ ni jie mi wo odɛŋ Iɛ he esha Iɛ da fe onɔ lɛ.” Yɛ anɔkwale mli lɛ, osɔfonukpa Kaiafa kɛ ehefatalɔi lɛ kɛ Yuda lskariot fɛɛ tere sɔ ni tsii fe Pilato yɛ bɔ ni amɛkɛ Yesu ye yɛ gbɛ ni ejaaa nɔ lɛ hewɔ.
Bɔ ni Yesu he fee Iɛ naakpɛɛ babaoo, ni agbɛnɛ akɛni eeshe gbeyei akɛ E-ji mɔ krɔŋkrɔŋ ko hewɔ lɛ, Pilato ti emɔdɛŋbɔɔ koni eŋmɛɛ E-he Iɛ mli. Shi Yudafoi lɛ te shi wo Pilato. Amɛti amɛmaŋkwramɔŋ naafolɔmɔ Iɛ mli, ni amɛkɛ hiɛtɛɛ wo ehe gbeyei akɛ: “Kɛji oŋmɛɛ mɔ nɛɛ he lɛ, ojeee Kaisare shiɛŋtsɛ; mɔ fɛɛ mɔ ni feɔ ehe maŋtsɛ lɛ ete shi ewo Kaisare.”
Yɛ naagbai ni enɛ kɛbaaba lɛ fɛɛ sɛɛ lɛ, Pilato kɛ Yesu je kpo ekoŋŋ. Ekpa fai ekoŋŋ akɛ: “Naa! Nyɛ maŋtsɛ lɛ!”
Hetoo ni ba ji: “Okɛ lɛ aya! Okɛ lɛ aya! Sɛŋmɔ lɛ!”
Ni Pilato kɛ hehiamɔ bi akɛ: “Nyɛ maŋtsɛ lɛ, misɛŋ lɛ lo?”
Yudafoi egbigbili amɛmli yɛ Roma nɔyeli shishi. Yɛ anɔkwale mli Iɛ amɛsumɔɔɔ Roma nɔyeli kwraa! Shi yɛ osatofeemɔ hewɔ lɛ, osɔfonukpai lɛ kɛɛ: “Wɔbɛ maŋtsɛ ko akɛ ja Kaisare.”
Akɛni Pilato miishe emaŋkwramɔŋ gbɛhe kɛ egbɛi Iɛ gbeyei hewɔ lɛ, yɛ naagbee lɛ ekpɛlɛ Yudafoi lɛ anibimɔ ni amɛŋmɛɛɛ he kɛ nibimɔ kɛ hegbeyeiwoo Iɛ nɔ. Ekɛ Yesu wo amɛdɛŋ. Asraafoi lɛ jie atade tsuru ni amɛkɛwo Yesu Iɛ ni amɛŋɔ etadei lɛ amɛwo lɛ. Beni akpalaa Yesu kɛyaa koni ayagbe Iɛ lɛ, anyɛ enɔ koni etere Iɛ diɛŋtsɛ esɛŋmɔtso lɛ.
Agbɛnɛ je etsɛre kɛtee hiɛ saŋŋ yɛ Sohaa Nisan 14; ekolɛ aabote shwane mli. Yesu wɔko kɛjɛ Soo leebi tɔɔ, ni etsɔ piŋmɔ ni eko nyiɛ eko sɛɛ Iɛ mli. Etsɛɛɛ ni egbee shi yɛ sɛŋmɔtso lɛ tsiimɔ shishi. No hewɔ Iɛ enɛ nyɛ Simon ni ji Kireenenyo ko ni jɛ Afrika ni miiho lɛ nɔ ni etere eha lɛ. Yɛ be mli ni amɛyaa Iɛ gbɔmɛi pii nyiɛ esɛɛ kɛ yei babaoo hu ni miiye awerɛho ni amɛmiifo Yesu.
Yesu tsɔ ehiɛ eha yei lɛ ni ekɛɛ amɛ akɛ: “Yerusalem biyei, nyɛkafoa nyɛhaa mi; shi moŋ nyɛfoa nyɛhaa nyɛ diɛŋtsɛ nyɛhe kɛ nyɛbii. Ejaakɛ naa, gbii miiba, nɔ mli ni amɛaakɛɛ:
‘Ajɔɔ kenei kɛ musu ni fɔko da kɛ fufɔi ni ayeko da!’ No mli lɛ amɛaabɔi gɔji Iɛ akɛɛmɔ akɛ: ‘Nyɛbagbeea wɔnɔ!’ Kɛ gɔŋkpɔi Iɛ hu akɛ: ‘Nyɛbahaa wɔnɔ!’ Ejaakɛ kɛ tso ŋmɔŋ afee lɛ enɛ lɛ, tso gbiŋ lɛ, te aaafee lɛ tɛŋŋ?”
Yesu miiwie Yudafoi amaŋ ni tamɔ tso lɛ ni yɔɔ nu ni tamɔ wala fioo yɛ emli akɛni Yesu kɛ shwɛɛnii ko ni heɔ lɛ yeɔ Iɛ yɔɔ jɛmɛ hewɔ lɛ he. Shi kɛ ajie mɛnɛɛmɛi fɛɛ kɛjɛ maŋ Iɛ mli lɛ, mumɔŋ tso ni egbo loo egbi pɛ baashwɛ, hɛɛ maŋ gbɛjianɔtoo ni egbi. Oo mɛni baaha amɛfo nɛkɛ, yɛ be mli ni Roma asraafoi lɛ, ni tsuɔ nii akɛ Nyɔŋmɔ blafoi lɛ kpataa Yuda maŋ lɛ hiɛ lɛ! Yohane 19:6-17; 18:31; Luka 23:24-31; Mateo 27:31, 32; Marko 15:20, 21.
◆ Mɛɛ naafolɔmɔ jamɔ mli hiɛnyiɛlɔi lɛ kɛfɔ Yesu nɔ beni amɛmaŋkwramɔŋ naafolɔmɔi Iɛ yeee omanye Iɛ?
◆ Ekolɛ mɛni ha Pilato bashe gbeyei babaoo lɛ?
◆ Nɔ ni ba Yesu nɔ lɛ he esha ni tsii ka namɛi anɔ?
◆ Yɛ naagbee lɛ, te fee tɛŋŋ ni osɔfoi lɛ ha Pilato kɛ Yesu ha amɛ koni amɛyagbe lɛ?
◆ Mɛni Yesu kɛɛ yei ni foɔ haa lɛ lɛ, ni mɛni ekɛ tso Iɛ ni ewie he akɛ ‘eŋmɔŋ’ kɛ ‘egbíŋ’ Iɛ tsɔɔ?