Buu-Mɔɔ INTANƐT NƆ WOJIATOOHE
Buu-Mɔɔ
INTANƐT NƆ WOJIATOOHE
Ga
@
  • ɛ
  • ɔ
  • ɛ́
  • ɛ̃
  • ɔ̃
  • ã
  • ŋ
  • á
  • BIBLIA
  • WOJI
  • ASAFOŊ KPEEI
  • w91 11/1 bf. 24
  • Mɛi ni Taoɔ Anɔkwale Iɛ Hereɔ Trukaa Odaseyeli Nɔ

Vidio ko bɛ kɛhã nɔ ni ohala nɛɛ.

Ofainɛ waa, be ni wɔtaoɔ wɔjie vidio lɛ, wɔná naagba ko.

  • Mɛi ni Taoɔ Anɔkwale Iɛ Hereɔ Trukaa Odaseyeli Nɔ
  • Buu-Mɔɔ Eetswa Yehowa Maŋtsɛyeli He Adafi—1991
  • Saji Ni Tamɔ Enɛ
  • Blonya—Mɛni hewɔ Ehe Gbɛi Waa Yɛ Japan Nakai Lɛ?
    Buu-Mɔɔ Eetswa Yehowa Maŋtsɛyeli He Adafi—1991
  • Mɛni Blonya Tsɔɔ Kɛha Bo?
    Buu-Mɔɔ Eetswa Yehowa Maŋtsɛyeli He Adafi—1994
  • Ŋmɛnɛŋmɛnɛ Beaŋ Blonya Shishifãi
    Buu-Mɔɔ Eetswa Yehowa Maŋtsɛyeli He Adafi—1997
  • Blonya Mɛni Hewɔ Kwraa Ayeɔ yɛ Bokagbɛ po Lɛ?
    Buu-Mɔɔ Eetswa Yehowa Maŋtsɛyeli He Adafi—1999
Kwɛmɔ Ekrokomɛi Hu
Buu-Mɔɔ Eetswa Yehowa Maŋtsɛyeli He Adafi—1991
w91 11/1 bf. 24

Maŋtsɛyeli Jajelɔi Bɔ Amaniɛ

Mɛi ni Taoɔ Anɔkwale Iɛ Hereɔ Trukaa Odaseyeli Nɔ

BIBLIA lɛ haa wɔleɔ akɛ mɛi ni tamɔ gwantɛŋi lɛ baabo Tookwɛlɔ Kpakpa Iɛ gbee toi. (Yohane 10:27) Nɛkɛ ebalɛ yɛ shikpɔji pii anɔ, kɛ Britain hu.

◻ Akɛ nɔkwɛmɔ nɔ lɛ, yɛ 1988 mli, beni eshwɛ fioo ni abaaye Blonya lɛ, Yehowa Odasefonyo ko ni atsɛɔ Iɛ Pamela Iɛ yahere telifon ko nɔ yɛ ɔfis he ni etsuɔ nii yɛ lɛ ni ekɛ nitsulɔ ko ni miitsu nii kɛha kuu Iɛ nɔŋŋ akɛ amɛnihɔɔlɔ yɛ England fa kroko lɛ wie. Beni ekɛ lɛ wie eta lɛ, kɛkɛ ni nuu Iɛ bi Iɛ akɛ: “Ani ofee klalo kɛha Blonya lɛ yeli?” Pamela ha hetoo akɛ: “Dabi!” Kɛkɛ ni mɔ ni tswa telifon Iɛ bi Iɛ akɛ: “No lɛ bɛ ookpe sɛɛ mɔ?” Ni Pamela ha Iɛ hetoo akɛ: “Miyeee Blonya.” Nuu lɛ kɛɛ efɔɔɔ wiemɔ tamɔ nakai numɔ, ni no hewɔ Iɛ ebi Iɛ nɔ hewɔ. Pamela gbala mli etsɔɔ lɛ akɛ eji Yehowa Odasefonyo, kɛkɛ ni etee nɔ egbala mli etsɔɔ Iɛ akɛ famɔ ko kwraa bɛ Biblia Iɛ mli ni biɔ ni aye Yesu fɔmɔ gbi, ni kɛfata he lɛ, afɔɔɔ Yesu yɛ December 25. Nɔ ni fe fɛɛ lɛ, Blonya shishijee jɛ wɔŋjamɔ gbijurɔyeli mli. Kɛkɛ ni nuu ni tswa telifon lɛ wie akɛ nibii ni ewieɔ lɛ miifee Iɛ naakpɛɛ waa diɛŋtsɛ.

Nyɔji etɛ sɛɛ lɛ, Pamela yahere telifon nɔ ekoŋŋ, ni mɔ ni tswa Iɛ kɛɛ akɛ: “Ani okaiɔ akɛ okɛ mi wie dani aye Blonya Iɛ, ni okɛɛ mi akɛ oyeee Blonya? Ojogbaŋŋ, mina anɔkwale Iɛ!” Nuu ni kɛ Iɛ wie tsutsu lɛ nɔŋŋ ni, ni etsɔɔ mli akɛ ni aye Blonya Iɛ sɛɛ otsii enyɔ mli lɛ, Odasefoi enyɔ komɛi ba eŋɔɔ yɛ shia. Efɔ amɛ nine kɛba mli, ni amɛje Biblia mli nikasemɔ shishi. Egbalɛ akɛ etee ehiɛ oyayaayai yɛ enikasemɔ Iɛ mli. Kɛkɛ ni ekɛɛ ehemɔ yoo ni yɔɔ eŋɔɔ yɛ eshia Iɛ akɛ amɛshihilɛ gbɛ lɛ esaaa Yehowa hiɛ, no hewɔ lɛ amɛgbala amɛmli, ni amrɔ nɛɛ amɛyi enyɔ Iɛ fɛɛ amɛyaa kpeei yɛ Maŋtsɛyeli Asa Iɛ nɔ.

◻ Afi lɛ naagbee gbɛ lɛ, akpɛlɛ amɛnɔ akɛ shiɛlɔi ni abaptisiko amɛ, ni yɛ 1990 afi Iɛ shishijee mli gbɛ lɛ, amɛbote gbalashihilɛ mli. Kɛkɛ ni abaptisi amɛyi enyɔ Iɛ fɛɛ shikome. Mɛɛ nii ni yɔɔ fɛo po jɛ trukaa odaseyeli yɛ telifon nɔ lɛ mli ba nɛkɛ!

Yehowa jɔɔ nyɛmiyoo kroko hu ni ye odase trukaa yɛ England Iɛ. Beni inshuɔrans nitsulɔ ko ba eshinaa naa lɛ, nyɛmiyoo lɛ bi kɛji ebaasumɔ ni ama hewalɛnamɔ kpakpa, miishɛɛnamɔ, kɛ naanɔ wala nɔ mi aha Iɛ. Nuu lɛ kɛɛ hɛɛ, ni ebi yoo Iɛ inshuɔrans nitsumɔ ni ewieɔ he lɛ, Beni ejɛ Biblia lɛ mli etsɔɔ Iɛ Nyɔŋmɔ shiwoo ni kɔɔ naanɔ wala he Paradeiso yɛ shikpɔŋ nɔ lɛ, nuu lɛ kpɛlɛ nɔ ni ehe Obaanyɛ Ohi Shi Kɛya Naanɔ yɛ Paradeiso yɛ Shikpɔŋ Nɔ wolo lɛ ekome ni ekane wulu muu lɛ fɛɛ gbi gbɛkɛ kome pɛ. Beni etee nyɛmiyoo Iɛ shia ekoŋŋ lɛ, ekɛɛ lɛ akɛ sane ni yɔɔ mli Iɛ ŋɔɔ enaa waa​—kɛji akɛ eyɛ hemɔkɛyeli ni ekɛaahe eye kɛkɛ. Nyɛmiyoo lɛ gbala mli etsɔɔ lɛ akɛ ehe miihia ni ekase Biblia Iɛ ni eya kpeei yɛ Maŋtsɛyeli Asa Iɛ nɔ. Amɛto Biblia mli nikasemɔ he gbɛjianɔ, ni nuu lɛ bɔi kpeei yaa. Abaptisi lɛ yɛ nakai afi mli nɔŋŋ, yɛ gbo be mli. No sɛɛ afi pɛ lɛ, ekɛ nyɛmiyoo ni ye lɛ odase klɛŋklɛŋ lɛ biyoo bote gbalashihilɛ mli. “No hewɔ lɛ,” nyɛmiyoo lɛ kɛɛ, “mina nyɛminuu kɛ shaanuu fɛɛ shikome kɛtsɔ mi-trukaa odaseyeli Iɛ nɔ!”

Eji anɔkwale akɛ mɛi ni taoɔ anɔkwale Iɛ kpɛlɛɔ nɔ kɛji akɛ Biblia mli anɔkwale Iɛ ha amɛ kɛtsɔ trukaa odaseyeli nɔ. Taakɛ Yesu kɛɛ lɛ, etooi Iɛ nuɔ egbee.

    Ga Woji (1980-2025)
    Shi Mli
    Botemɔ Mli
    • Ga
    • Kɛmaje
    • Bɔ Ni Misumɔɔ Lɛ Mihãa
    • Copyright © 2025 Watch Tower Bible and Tract Society of Pennsylvania
    • Mlai Ni Yɔɔ He
    • Ohe Saji
    • Ohe Saji Lɛ Ahe Gbɛjianɔtoo
    • JW.ORG
    • Botemɔ Mli
    Kɛmaje