Kwa Henɔwomɔ Mumɔ!

Biblia mli abɛbua ko ni nilee yɔɔ mli kɛɔ akɛ: “Mɔ ni woɔ egbo nɔ gojoo lɛ, eetao wulamɔ.”(Abɛi 17:19) Mɛni ehiii yɛ agbo ni awo nɔ gojoo lɛ he? Ni mɛni ji sane titri ni yɔɔ nɛkɛ abɛbua nɛɛ mli?

YƐ blema bei lɛ amli lɛ, asɛ̃ɛɛ aŋkroaŋkroi kɛ nihalɔi akui ni tara okpɔŋɔi anɔ lɛ he. Julɔi gbaa batutuaa shiai ni gbogboi bɛ he. Bɔni afee ni amɛkɛbaa amɛnibii ayi lɛ, shiatsɛmɛi ekomɛi tswaa gbogboi amɛwoi he kɛ enaa agbó krɛdɛɛ ko. Gbogbo lɛ kwɔ gojoo, shi agbó lɛ baa shi kwraa loo eyɛ bibioo. Yɛ anɔkwale mli lɛ, ekomɛi akɛlɛmɔ efeee ninetalɔ etɛ po​—ebaa shi kwraa tsɔ fe bɔni okpɔŋɔ kɛ enɔtalɔ aabote mli. Mɛi ni efeee amɛ agbói ni yaa amɛkpoi anɔ lɛ kpitibii lɛ baaha hii ni tara okpɔŋɔi anɔ anyɛ abote mli ni amɛbaha amɛnibii.

Agboi ni boteɔ kpoi anɔ yɛ maŋtiasei amli lɛ yɛ kpitibii kwraa ni amɛbɛ fɛo hu, ni ehaaa ayoo ninamɔ ni eyɔɔ kpo ni atwsa gbogbo awo he lɛ mli lɛ. Shi yɛ Persia lɛ, agbó ni kwɔ gojoo lɛ tsɔɔ odehe lo ablade ko shihilɛ he, ni amɛshishi bii lɛ ekomɛi bɔɔ mɔdɛŋ ni amɛkase amɛ ni ekɛ oshara baa amɛnɔ bei pii amli. Mɔ fɛɛ mɔ ni feɔ eshia agbó gojoo lɛ miitsɛ koni abaha enibii yɛ eninamɔ ni ekɛtsɔɔ nɛɛ hewɔ.

No hewɔ lɛ, Abɛi 17:19 tsɔɔ akɛ mɛi ni feɔ amɛ agboi gojoo lɛ miigbala oshara kɛmiiba amɛ diɛŋtsɛ amɛnɔ yɛ bɔ ni amɛbuɔ amɛhe fe bɔ ni sa lɛ hewɔ. Shi nɛkɛ abɛbua nɛɛ baanyɛ akɔ naabu hu he akɛ agbo ni awo nɔ gojoo kɛtsɔ henɔwomɔ kɛ hepupuumɔ wiemɔi anɔ. Wiemɔi ni tamɔ nɛkɛ kɛ bei baa, ni ebaanyɛ egbala mɔ ni woɔ ehe nɔ lɛ ewo hiɛkpatamɔ mli. Belɛ kwɛ bɔ ni nilee yɔɔ mli ha akɛ wɔɔtsi wɔhe kɛjɛ henɔwomo mumɔ he!

[He ni Mfoniri ni yɔɔ baafa 30 lɛ Jɛ]

Picturesque Palestine, Sinai and Egypt, Volume 1, by Colonel Wilson (1881)