Amɛkɛ Amɛhe Ebabɔ Nyɛmimɛi ni Efee Ekome He

Be lɛ ji yɛ August 7, 1993, yɛ Republican Stadium yɛ Kiev, yɛ Ukraine. Mɛi ni fa fe 64,000 ni tee kpee lɛ kɛ gbɛkpamɔ ni mli wa kwɛ beni be lɛ shɛ lɛ. Kɛkɛ ni, beni amɛhaa sanebimɔi enyɔ ni shishinumɔ yɔɔ he waa lɛ ahetoo lɛ, mɛi akpei abɔ here nɔ akɛ “Da!” (“Hɛɛ!”) Amɛtsɔ nɛkɛ gbɛ nɔ amɛjaje amɛhemɔkɛyeli lɛ amɛtsɔɔ faŋŋ, ni amɛtee nɔ amɛfee amɛhenɔjɔɔmɔ kɛha Yehowa Nyɔŋmɔ lɛ he okadi kɛtsɔ baptisimɔ ni abaptisi amɛ yɛ nu bui ekpaa ni yɔɔ shwɛmɔ he lɛ ekome mli lɛ nɔ.—Mateo 28:19.

Enɛ hewɔ lɛ, yɛ “Ŋwɛi Nitsɔɔmɔ” majimaji ateŋ Kpee ni Yehowa Odasefoi fee nɛɛ kpee gbi ni ji etɛ lɛ nɔ lɛ, toibolɔi lɛ na nifeemɔ ko ni sa kadimɔ waa: abaptisi mɛi 7,402 ni amɛbatsɔmɔ Kristofoi asafo ni efee ekome yɛ jeŋ fɛɛ lɛ mlibii, shi jeee jamɔ ko ni mli egbala mlibii.

Kɛ obaasumɔ ni ole anɔkwa Kristofoi a-ekomefeemɔ lɛ he saji babaoo lolo lɛ, no lɛ ofainɛ ŋmaa kɛya Watch Tower, Box 760, Accra, Ghana, aloo kɛya adrɛs ni atsɔɔ yɛ baafa 2 lɛ mli nɔ ni sa.