Nifeemɔ ko ni Esaaa ni Ehoɔ Ohe

“Duromɔ nii kpakpai fɛɛ kɛ nikeenii ni hi kɛ-wula shi” baa kɛjɛɔ Nyɔŋmɔ, wɔ ŋwɛi Tsɛ lɛ ŋɔɔ. (Yakobo 1:17, NW) Nikeenii ni jara wa fe fɛɛ ni Nyɔŋmɔ kɛha yɛ adesai eshafeelɔi ahewɔ ji gbɛjianɔtoo kɛha amɛ kpɔmɔ kɛtsɔ e-Bi koome, Yesu Kristo nɔ lɛ. Yesu gbele akɛ wɔ Kpɔlɔ lɛ kɛ hegbɛ kɛha naanɔ wala yɛ paradeiso yɛ shikpɔŋ nɔ baa. Afã wɔ yɛ Luka 22:19 akɛ wɔkai egbele nɛɛ.

Yehowa Odasefoi kɛ miishɛɛ miifɔ̃ bo nine koni okɛ amɛ abana Yesu fãmɔ lɛ toiboo mli gbɛfaŋnɔ. Daa afi kaimɔ nɛɛ baaba nɔ yɛ hulu shinyɔɔ sɛɛ yɛ gbi ni kɛ Biblia nyɔŋtsere kalanda, Nisan 14 kpaa gbee lɛ nɔ, ni gbi lɛ baafee Jufɔ, April 2, 1996. Kadimɔ be nɛɛ koni ohiɛ akakpa nɔ. Yehowa Odasefoi ni yɔɔ okutso lɛ mli lɛ baanyɛ akɛɛ bo be kɛ he pɔtɛɛ ni abaafee yɛ.