Obaanyɛ Ona “Jata Tsui”

BIBLIA lɛ kɛ jata tsuɔ nii yɛ bei komɛi amli akɛ ekãa kɛ hekɛnɔfɔɔ he akadi. Akɛɔ akɛ hii ni yɔɔ ekãa loo amɛtsui esa lɛ yɛ “jata tsui,” ni akɛɔ akɛ jalɔi lɛ “feɔ ekãa tamɔ jata.” (2 Samuel 17:10; Abɛi 28:1) Titri kɛ atswa lɛ mpoa lɛ, no mli jata tsɔɔ akɛ gbɛ́i ni ena lɛ sa lɛ akɛ “kooloi ateŋ ekãalɔ fe fɛɛ.”—Abɛi 30:30.

Yehowa Nyɔŋmɔ kɛ efaishitswaa akɛ ebaabu ewebii ahe lɛ toɔ nɔ ko gbeyei ni jata sheee lɛ he. Yesaia 31: 4, 5 kɛɔ akɛ: “Bɔ ni jata hũuɔ yɛ emilɛloo he, ni kɛ atsɛ koolookwɛlɔi asafo awo ehei ni esheee amɛgbeee gbeyei, ni ebuuu amɛbolɔmɔ lɛ: nakai Yehowa Zeboat aaakpeleke shi abawuu yɛ Zion gɔŋ lɛ kɛ egɔŋkpɔ lɛŋ nɔ .Eeebu amɛhe, eeejie amɛ, eeebaa amɛyi, ni eeeha amɛje mli.” No hewɔ lɛ, Yehowa maa etsuji lɛ akwɛmɔ yɛ ekãa naa lɛ nɔ mi titri lɛ yɛ be mli ni amɛkɛ shihilɛ ni mli we kpeɔ Iɛ.

Biblia lɛ kɛ adesai ahenyɛlɔ ni da fe fɛɛ, Satan Abonsam, toɔ jata ni hũuɔ ni miitao mɔ ni eemi he. Bɔni afee ni wɔkatsɔ̃ edaaŋ loo lɛ, akɛɔ wɔ yɛ Ŋmalɛi amli akɛ: “Nyɛhiɛ akãa shi, nyɛsaraa.”(1Petro 5:8) Gbɛ kome ni atsɔɔ nɔ afeɔ enɛ ji ni akwa mumɔŋ wɔdɔiwɔɔ ni gbeɔ mɔ. Yesu wie yɛ enɛ he akɛ: “Nyɛhia ahia nyɛhe nɔ, koni fufeemɔ kɛ daatɔɔ kɛ daaŋ-ŋmaa he haomɔi akahe nyɛtsuii.” (Luka 21:34-36) Hɛɛ, ni wɔɔfee mɛi ni hiɛ kã yɛ mumɔŋ yɛ “naagbee gbii” nɛɛ amli lɛ banyɛ aha wɔ “jata tsui,” nɔ ni ‘baaha wɔfi shi shiŋŋ, ni wɔhiɛ akã Yehowa nɔ.’—2Timoteo 3:1; Lala 112:7,8.