Mɛni Hewɔ Esa Akɛ Osumɔ Akɛ Obaakane Biblia Lɛ?

Biblia lɛ ji wolo ko ni ehe gbɛ́i waa fe woji krokomɛi fɛɛ ni yɔɔ je lɛŋ. Mɛni hewɔ? Nɔ kome ji akɛ, eshishinumɔ waaa. Egbaa wɔ gbɔmɛi ni hi shi diɛŋtsɛ awala mli saji, bɔ ni amɛkɛ amɛhe shara ha kɛ bɔ ni amɛkɛ Nyɔŋmɔ shara ha. Amaniɛbɔi nɛɛ haa wɔkaseɔ nibii ni he hiaa, ejaakɛ akɛ wiemɔi komekomei ni shishinumɔ waaa ni abaanyɛ atsɔɔ shishi kɛya wiemɔi ohai komɛi amli ŋma, koni mɛi ni yɔɔ he fɛɛ he kɛ yinɔ fɛɛ yinɔ anyɛ anu shishi. Kɛfata he lɛ, Biblia shishitoo mlai kɛnitsumɔ yeɔ omanye be fɛɛ be.

Nɔ ni sa kadimɔ titri ji akɛ, Biblia lɛ jeee wolo ni wieɔ Nyɔŋmɔ he kɛkɛ, moŋ lɛ eji wolo ni jɛ Nyɔŋmɔ ŋɔɔ hu. Ehaa aleɔ Nyɔŋmɔ gbɛ́i, esui, kɛ eyiŋtoo ni tsakeee ni ekɛbɔ shikpɔŋ kɛ adesai lɛ. Agbɛnɛ hu Biblia lɛ gbaa mpleshii ko ni eye bei kplaŋŋ ni kã ekpakpa kɛ efɔŋ teŋ: jeŋ muu fɛɛ sane ko ni baaba naagbee yɛ gbɛ ni yɔɔ miishɛɛ nɔ lɛ he sane. No hewɔ lɛ, kɛ́ okɛ jwɛŋmɔ ni ja kane Biblia lɛ, ehaa onáa hemɔkɛyeli kɛ hiɛnɔkamɔ.

Saji komɛi yɛ ni Biblia lɛ pɛ mli anaa yɛ. Akɛ nɔkwɛmɔnɔ lɛ, Biblia lɛ haa wɔleɔ anɔkwalei ni kɔɔ saji tamɔ nɔ ni nyiɛ sɛɛ nɛɛ ahe:

• Bɔ ni fee ni wɔba shihilɛ mli kɛ nɔ hewɔ ni wɔnaa nɔ

• Gbɛjianɔ ni Nyɔŋmɔ to koni ekɛkpɔ̃ adesai

• Nɔ ni Yesu efee eha wɔ

• Shikpɔŋ lɛ kɛ adesai awɔsɛɛ

Mɛni hewɔ okɛ be fioo kwɛɛɛ baafai ni nyiɛ sɛɛ nɛɛ amli koni ona nibii ni Biblia lɛ wieɔ he?