NIKASEMƆ NƆ

Nyɔŋmɔ ni anaaa ji mɔ ni bɔ jeŋ ni wɔnaa nɛɛ. Ani oheɔ enɛ oyeɔ kɛ otsui fɛɛ? Jeee mɛi fɛɛ heɔ enɛ amɛyeɔ. Te wɔɔfee tɛŋŋ wɔye wɔbua mɛi krokomɛi koni amɛbale anɔkwale ni kɔɔ Bɔlɔ lɛ he, ni nakai beaŋ nɔŋŋ lɛ, wɔwaje hemɔkɛyeli ni wɔyɔɔ yɛ emli lɛ? Nikasemɔ nɛɛ baaha sanebimɔ nɛɛ hetoo.

Awoɔ Kristofoi hewalɛ ni amɛsɔmɔ Yehowa tamɔ nyɔji. Nikasemɔ nɛɛ baaha wɔna gbɛjianɔ ni ato aha nyɔji yɛ Mose Mla lɛ mli, nɔ ni esa akɛ wɔfee koni wɔkatsɔmɔ nyɔji wɔha Satan kɛ nibii ni yɔɔ eje lɛ mli ni lakaa mɔ lɛ, kɛ nɔ ni akɛbaajuro wɔ kɛji wɔsɔmɔ Nyɔŋmɔ akɛ nyɔji anɔkwafoi.

Kɛ́ wɔjwɛŋ Nyɔŋmɔ Wiemɔ lɛ nɔ daa gbi lɛ, ebaaha wɔsɔlemɔi afee nɔ ni sa jogbaŋŋ. Klɛŋklɛŋ nikasemɔ lɛ baaha wɔna bɔ ni enɛ ji anɔkwale ha yɛ sɔlemɔ ko ni Levibii lɛ damɔ Nyɔŋmɔ webii lɛ anajiaŋ amɛsɔle lɛ mli. Nikasemɔ ni ji enyɔ lɛ baaha wɔna bɔ ni wɔɔfee wɔhi shi yɛ Yesu sɔlemɔi ni tsɔɔ suɔmɔ lɛ ateŋ ekome naa. Sɔlemɔi enyɔ nɛɛ fɛɛ baaha wɔna akɛ esa akɛ wɔkɛ nɔ ni Yehowa sumɔɔ aye wɔnɔ hiɛ kɛ́ wɔmiisɔle.