Adafitswai

● Wolo ni akɛbaatsu nii yɛ January: My Book of Bible Stories aloo Obaanyɛ Ohi Shi Kɛya Naanɔ yɛ Paradeiso yɛ Shikpɔŋ Nɔ akɛha tooyeli ni ji ₵700. Emli bibii ni ji nɔ (Live Forever) lɛ jara ji ₵400. Kɛji aheee nɔ ni akɛhaa lɛ, abaanyɛ akɛ “Naa! Miifee Nii Fɛɛ Ehee” wolo bibioo lɛ aha kɛha ₵80. February kɛ March: Woji ni anyɛɔ akɛwoɔ kotoku mli ni afee aaafee 1980 mli lɛ eko fɛɛ eko kɛha ₵125. Asafoi baanyɛ ashɛ woji memeji ni anyɛɔ akɛwoɔ kotoku mli nɛɛ fioo kɛjɛ Asafo lɛ dɛŋ kɛ amɛbɛ eko. Kɛ agbe etafaa lɛ naa lɛ, nyɛkai ni nyɛkɛ nyɔmɔ nɔtsemɔ woji amajea ni nyɛtsɔɔa yibɔ ni shiɛlɔi he kɛ yibɔ ni gbɛgbalɔi he kɛha nɛkɛ jara fa tafaa be krɛdɛɛ nɛɛ mli yɛ nɔ. NYƐFAINƐ NYƐKADIA: Akɛ woji ni asaa akala ekoŋŋ yɛ wolo ni hiɛ tse nɔ lɛ tsuŋ nii yɛ nɛkɛ tafaa be nɛɛ mli.

● Ani nyɛ asafo lɛ kɛ afi ŋmalɛ hee lɛ ekpɛtɛ shi agbɛnɛ? Ŋmalɛ lɛ ji: “Nyɛshea Nyɔŋmɔ Gbeyei ni Nyɛkɛ Anunyam Ahaa lɛ​—Kpojiemɔ 14:⁠7.

● Taakɛ atsɔɔ yɛ wɔ teokrase kalanda lɛ nɔ lɛ, Kaimɔ kɛha 1989 lɛ gbeeɔ Shɔ, March 22, beni hulu enyɔ shi sɛɛ.

● Abaaha maŋshiɛmɔ krɛdɛɛ ni ahaa yɛ Kaimɔ be lɛ mli yɛ jeŋ fɛɛ lɛ yɛ Hɔgbaa, April 2, 1989 gbi lɛ nɔ loo esɛɛ. Maŋshiɛmɔ lɛ yitso ji “Nyɛbaa, Nyɛ Mɛi ni Anɔkwale lɛ he kumai Yeɔ Nyɛ.” Akɛ maŋshiɛmɔ wolo lɛ miimaje asafoi fɛɛ.

● Yɛ be mli ni wɔbɛŋkɛɔ 1989 Kaimɔ be lɛ, ŋwanejee ko bɛ he akɛ ooto gbɛjianɔ koni ona gbɛfaŋnɔ ni mɔɔ shi yɛ nitsumɔi krɛdɛɛ lɛ amli. Ani obaanyɛ oto ogbɛjianɔ, koni ofee gbɛgbalɔi awalɔ yɛ February, March kɛ April yɛ afi nɛɛ mli? Kɛ onyɛŋ ofee yɛ nyɔji etɛ lɛ fɛɛ mli lɛ, ani obaanyɛ ofee yɛ March loo April mli? Too gbɛjianɔ kpakpa amrɔ nɛɛ ni otao Yehowa yelikɛbuamɔ kɛtsɔ sɔlemɔ nɔ.