Kpeei Ni Baawa Wɔ Kɛha Kaselɔi Afeemɔ
(KADIMƆ: Nyɛbaanyɛ ni nyɛtsake nɔ ni akɛha yɛ Wɔ Maŋtsɛyeli Sɔɔmɔ ni yɔɔ shishigbɛ nɛɛ mli wiemɔi lɛ amli koni ekɛ shihilɛ mli ni nyɛyɔɔ lɛ akpa gbee. Wɔtsɔɔ lalai lɛ kɛha Sɔɔmɔ kpee he gbɛjianɔtoo lɛ. Afee enɛ kɛha ekadimɔ kɛkɛ. Nyɛkalaa yɛ nyɛkpeei ashishi kɛ “naatsii” lɛ yɛ nɔ lolo.)
OTSI NI JEƆ SHISHI NOVEMBER 6
10 min: Asafoŋ adafitswai kɛ adafitswai ni ahala kɛjɛ Wo Maŋtsɛyeli Sɔɔmɔ lɛ mli.
20 min: “Jiemɔ Yah Yi Kɛtsɔ Woji Tɛtrɛbii ni Wɔɔha Ashɛ lɛ Nɔ.” Sanebimɔi kɛ hetoo ni akɛaasusu enɛ he. Atee Saneyitso Kɛha Sanegbaa lɛ he nɔkwɛmɔ nɔ ni akɛ ŋaawoo ni akɛha yɛ kuku 5 lɛ afata he. Lala 5 kɛ naagbee sɔlemɔ.
OTSI NI JEƆ SHISHI NOVEMBER 13
10 min: Asafoŋ adafitswai. Shika he amaniɛbɔɔ. Awo hewalɛ ni atsɔɔ hiɛsɔɔ aha Maŋtsɛyeli nitsumɔ lɛ sɛɛfimɔ kɛ shika. Atsɔɔ hiɛsɔɔ yɛ onia ni asafo lɛ etsu lɛ he. Awo hewalɛ ni shiɛlɔi lɛ fɛɛ kɛ amɛhe awo sɔɔmɔ nitsumɔ mli yɛ otsi lɛ naagbee. Atsɔɔ saji otii ni yɔɔ woji tɛtrɛbii lɛ amli ni abaanyɛ akɛtsu nii ni aha ashɛ loo ahe Awake! loo Buu-Mɔɔ lɛ ekomekomei.
10 min: “Feemɔ Be Fɛɛ Sɔɔmɔ lɛ Oshihilɛ be Mli Nitsumɔ.” Sanebimɔ kɛ hetoo ni akɛaatsu enɛ he nii, ni nɔ ni nyiɛ sɛɛ lɛ abi be fɛɛ sɔɔlɔi ni amɛgba bɔ ni fee ni awo amɛ hewalɛ ni amɛkɛ amɛhe wo be fɛɛ sɔɔmɔ nitsumɔ nɛɛ mli akɛ amɛshihilɛ be fɛɛ mli nitsumɔ lɛ. Mɛɛ jɔɔmɔi amɛnine eshɛ nɔ? Mɛni hewɔ amɛbaasumɔ ni amɛwo mɛi krokomɛi ahewalɛ ni amɛfee be fɛɛ sɔɔmɔ lɛ akɛ amɛshihilɛ be mli nitsumɔi
Lala 17 kɛ naagbee sɔlemɔ.
OTSI NI JEƆ SHISHI NOVEMBER 20
5 min: Asafoŋ adafitswai. Teokrase lɛ he saji.
15 min: “Sanekpakpa lɛ Kɛhamɔ —Kɛ Woji Tɛtrɛbii.” Abaatsɔ sanebimɔ kɛ hetoo nɔ asusu enɛ he. Yɛ be mli ni asusu kuku 5 he agbe naa lɛ, aha shiɛlɔ ko ni esaa ehe jogbaŋŋ kɛ sane ni shiatsɛ lɛ bi atsu nii ni ekɛgbala jwɛŋmɔ kɛya wolo tɛtrɛɛ ni wieɔ enɛ he lɛ nɔ. Nɔ ni yɔɔ sɔrɔto lɛ, shiɛlɔ lɛ hu baanyɛ abi shiatsɛ lɛ sane ko ni eeewa kɛha shiatsɛ lɛ akɛ eeeha hetoo jogbaŋŋ. Shiɛlɔ lɛ baanyɛ agbala ejwɛŋmɔ kɛya woji tɛtrɛbii lɛ ekome ni haa sanebimɔ lɛ hetoo lɛ nɔ. Halamɔ eheei ni eba lɛ amli ni okɔ sane ko kɛjɛ mli ni nyɛsusu he. Esa akɛ shiɛlɔ lɛ ale woji tɛtrɛbii lɛ amli saji jogbaŋŋ ni efee tswaa yɛ emli saji ni sa shiatsɛ lɛ shihilɛ lɛ kɛ nitsumɔ mli.
10 min: “Woji ni Ajie Amɛ Kpo Ehee lɛ Yeɔ Ebuaa Wɔ ni Wɔkɛ Nyɔŋmɔ Jamɔ Hetuu-Kɛhamɔ Tsɔseɔ Wɔhe.” Akɛ enɛ afee wiemɔ ni miishɛɛ yɔɔ mli ni woɔ mɔ fɛɛ mɔ hewalɛ koni ale woji heei lɛ amli saji.
Lala 51 kɛ naagbee sɔlemɔ.
OTSI NI JEƆ SHISHI NOVEMBER 27
15 min: Asafoŋ adafitswai. Abaatsɔ sanebimɔ kɛ hetoo nɔ asusu “Weku Ekomefeemɔ kɛ Sɛɛnamɔ Baa” lɛ he. Onukpa ni eji wekuyitso atsu enɛ he nii.
15 min: Wiemɔ ni damɔ “Why Fear God, Not Men?” (Mɛni Hewɔ Esa Akɛ Wɔshe Nyɔŋmɔ Gbeyei, Shi Jeee Gbɔmɛi?) nɔ, ni enɛ jeɔ kpo yɛ June 1, 1989 Watchtower lɛ mli kɛjɛ baafai 4-7. Akɛ emli sane lɛ ato asafo lɛ hiamɔ nii ahe. Awo hewalɛ ni ajie adesai ahe gbeyeishemɔ ashwie ni ashe Nyɔŋmɔ gbeyei yɛ gbɛ kpakpa nɔ yɛ Kristofoi asɔɔmɔ nitsumɔ lɛ mli nibii fɛɛ mli.
Lala 57 kɛ naagbee sɔlemɔ.