Sanebimɔ He
● Mɛni ji mɛi ni sɔmɔɔ akɛ attendants loo mɛi ni haa sɛi ni amɛkaneɔ mɛi yɛ asafoŋ kpeei ashishi lɛ anitsumɔi?
Attendants kɛ wɔɔtse amɛ nakai lɛ kɛ miishɛɛ hereɔ mɛi fɛɛ ni baa kpeei ashishi lɛ. Amɛnitsumɔi lɛ ekomɛi ji ni amɛha mɛi ni kpeɔ sɛɛ lɛ ana sɛii, amɛŋmala yibɔ ni baa kpeei lɛ, amɛha nɔ fɛɛ nɔ aya nɔ pɛpɛɛpɛ ni asa lɛ nɔ afee shweshweeshwe hu, ni amɛha kɔɔyɔɔ kpakpa atswa yɛ Maŋtsɛyeli Asa lɛ nɔ. Esa akɛ attendants nɛɛ afee mɛi ni yɔɔ naanyobɔɔ su, nyɛmimɛi hii ni sa ni kɛ hegbɛ tsuɔ nii ni amɛkɛkwɛɔ amɛnitsumɔi loo gbɛnaa nii sɔrɔtoi lɛ anɔ.—om bf. 63-4.
Esa akɛ attendants lɛ ahiɛ ahi amɛhe nɔ ni amɛyoo mɛi heei, ni amɛha amɛnu he akɛ ahere amɛ hiɛmɛɛ, ni amɛyɛ amɛbua amɛ ni amɛna sɛii. Esa akɛ mɛi fɛɛ ni yɔɔ asafo lɛ mli lɛ afee klalo akɛ amɛaaye amɛbua mɛi heei lɛ ni amɛle amɛ ni amɛhere amɛ hiɛmɛɛ. Kɛ attendants nɛɛ miitsɔɔ mɛi ni ekpe sɛɛ lɛ sɛii lɛ, amɛkwɛ koni amɛkagba mɛi ni etara shi momo lɛ anaa. Yɛ bei komɛi amli lɛ amɛkɛ woji tɛtrɛbii ni akaseɔ lɛ eko haa mɛi heei lɛ.
Gbɛjianɔtoo kpakpa ni aaaya nɔ yɛ kpeei ashishi lɛ he miihia. Akɛni wɔwoɔ fɔlɔi ahewalɛ ni amɛkɛ amɛbii aba kpeei hewɔ lɛ, ekɛ naagbai komɛi baaba. Shi kɛ gbekɛbii nyɛɛɛ afee dioo lɛ, esa akɛ attendant lɛ kɛ mlihilɛ aye abua, ekolɛ ebaanyɛ ewo ŋaa ni fɔlɔ lɛ kɛ gbekɛ lɛ aje kpo kɛjɛ tsu lɛ mli kɛya sɛɛ fioo. Kɛ fɔlɔi ni hiɛ gbekɛbii bibii lɛ tara he ni amɛbaanyɛ amɛje kpo mra lɛ, amɛbaanyɛ amɛkwɛ amɛbii lɛ anɔ ni egbaŋ mɛi krokomɛi anaa.
Yɛ hei komɛi ni shweshweeshwe shihilɛ ji naagba lɛ, esa akɛ akɛ nitsumɔ awo attendants nɛɛ adɛŋ koni amɛye amɛbua yɛ je lɛŋ gbekɛbii fɔji loo mɛi ni baate shi awo ni amɛgba kpee lɛ naa lɛ hewɔ. Kɛ mɔ ko yɛ Maŋtsɛyeli Asa lɛ nɔ ni ebɔ mɔdɛŋ ni efite kpee lɛ, esa akɛ aha mɔ lɛ ashi jɛmɛ. Kɛ ekpɛlɛɛɛ nɔ ni eesumɔ ni eya nɔ ni egbe kpee lɛ naa lɛ, onukpai lɛ baanyɛ abi ni polisifoi aba jɛmɛ. Hei komɛi hu yɛ ni ehe baahia ni ana nyɛmimɛi ni baakwɛ he ni nyɛmimɛi kɛ amɛ kar loo tsɔnei sɔrɔtoi mamɔɔ yɛ Maŋtsɛyeli Asa lɛ sɛɛ yɛ be mli ni kpee lɛ yaa nɔ lɛ.—km 6/85 bf. 3.
Kɛ aakane mɛi lɛ. akane onukpai fɛɛ kɛ agbɛnɛ gbekɛbii ni boɔ sane toi ni naa kpee lɛ he sɛɛ kɛyashɛɔ he ko lɛ fɛɛ.—km 11/79 bf. 4.