Adafitswai

● Wolo ni akɛbaaha yɛ January: Obaanyɛ Ohi Shi Kɛya Naanɔ wolo lɛ loo Bible Stories wolo lɛ. Febuary kɛ March: Woji ni hiɛ baafai 192 ni akala dani 1980 shɛ lɛ eko ni akɛbaatsu nii yɛ ejara lɛ fa naa. (Kɛha nyɔmɔ nɔtsemɔ lɛ, onukpai lɛ akwɛ gbɛtsɔɔmɔ ni akɛha yɛ Adafitswai ni je kpo yɛ February 1980 Wɔ Maŋtsɛyeli Sɔɔmɔ lɛ mli lɛ.) April: Akɛ Revelation Climax wolo lɛ aha. May kɛ June: Buu-Mɔɔ lɛ shɛɛ he tafaa. Kɛ anyɛɛɛ ashɛ lɛ, akɛ woji tɛtrɛbii enyɔ kɛ woji bibii lɛ ekome afata he kɛha ejara lɛ naa.

● 1990 Kaimɔ lɛ baaba nɔ yɛ Jufɔ, April 10, beni hulu enyɔ shi. Akɛ adafitswaa nɛɛ miitsɔ hiɛ aha koni nyɛmimɛi lɛ aje mra amɛto gbɛjianɔ kɛha asai, kɛ asafoi ni yaa Maŋtsɛyeli Asa kome nɔ lɛ fa tsɔ lɛ koni ato gbɛjianɔ krokomɛi. Agbɛnɛ, kɛ “naatsii” lɛ yɛ lolo yɛ April mli lɛ, adafi ni atsɔɔ hiɛ atswaa nɛɛ baaye abua asafoi lɛ koni amɛto kui lɛ ahe agbɛjianɔ bibii koni amɛha wielɔi ni he esa atsu Kaimɔ lɛ he nii.

● Onukpai asɛinɔtalɔ lɛ loo mɔ ni eeehala akwɛ asafo lɛ shika akɔntaabuu mli amrɔ nɔŋŋ kɛ afeee nakai yɛ December mli.

Asafoi aje shishi ashɛ The Watchtower kɛ Awake! wolokpoi kɛha 1989 lɛ bianɛ. Wolokpoi nɛɛ yɛ Blɔfo kɛ French pɛ mli. Ashɛɛɛ ashwieee shi ejaakɛ amɛjara wa. No hewɔ lɛ, nyɛshɛa nyɛhaa mɛi ni ebi lɛ pɛ.

● Ahala Hɔgbaa, March 25, 1990 akɛ be ni akɛbaaha maŋshiɛmɔ krɛdɛɛ yɛ Kaimɔ be lɛ mli lɛ. Wiemɔ lɛ yitso ji: “Mɔ Wala Diɛŋtsɛ lɛ Mli!” Akɛ wiemɔ nɛɛ he woji enyɔ baamaje asafoi lɛ fɛɛ. Enɛ baafee wiemɔ ni ji Nɔmba 90. Kɛ “naatsii” lɛ yɛ nɔ lolo yɛ nakai be lɛ mli lɛ, nyɛbaanyɛ nyɛkwɛ nɔ nyɛfee photocopy nyɛha wielɔi sɔrɔtoi ni baaha enɛ yɛ kui bibii lɛ amli lɛ.

● 1990 ati ŋmalɛ lɛ ji: “Nyɛfea ekaa ni nyɛkɛa akɛ: ‘Yehowa ji miyelikɛbualɔ.’”​—Hebribii 13:⁠6. NW. Nyɛbaanyɛ nyɛŋma afi ŋmalɛ lɛ ni nyɛkɛkpɛtɛ nyɛ Maŋtsɛyeli Asa lɛ nɔ kɛji akɛ naatsii lɛ yɛ nɔ lolo, ejaakɛ wɔna gbɛŋmɛɛ akɛ wɔya Asa lɛ nɔ koni wɔyasaa jɛmɛ bɔ ni ehe hiaa.

● Abaafee tsakemɔi komɛi yɛ Obaanyɛ Ohi shi Kɛya Naanɔ wolo lɛ ni abaakala yɛ wɔsɛɛ be mli lɛ mli. Tsakemɔ nɛɛ titri kɔɔ Sodombii lɛ ahe taakɛ eyɔɔ baafai 178 kɛ 179 lɛ. Nɛkɛ tsakemɔ nɛɛ je kpo yɛ Revelation wolo lɛ mli, yɛ baafa 273, kɛ agbɛnɛ yɛ June 1, 1988 The Watchtower lɛ mli yɛ baafai 30 kɛ 31. Nyɛbaanyɛ nyɛkadi enɛ yɛ woji ni tsɔ hiɛ ni akala ni nyɛyɔɔ lɛ mli.

● Sɔɔmɔ Ajinafoi lɛ akadi enɛ: Wɔnine shɛko Analysis Report (S-10) lɛ nɔ kɛjɛko asafoi babaoo adɛŋ lolo. Kɛji nyɛkɛ nyɛnɔ lɛ emajeko wɔ lɛ, nyɛfea nakai AMRƆ NƆŊŊ.

● Wolo hee ni yɔɔ:

Questions Young People Ask​—Answers That Work Blɔfo